Gujarati News

Gujarati News

News of Friday, 5th March 2021

ગાંધીનગર:કલોલના ગાયત્રી મંદિર નજીક મોર્નિંગ વોકમાં નીકળેલ મહિલાને પુરપાટ ઝડપે જતી કારે હડફેટે લેતા કરુણ મોત

ગાંધીનગર; જિલ્લાના માર્ગો ઉપર અકસ્માતની ઘટનાઓ વધી રહી છે ત્યારે કલોલના વીમા યોજના દવાખાના પાસે ચાલવા માટે નીકળેલી મહિલાને પુરઝડપે જતી કારે અડફેટે લેતાં શરીરે ગંભીર ઈજાઓ પહોંચી હતી અને સારવાર માટે સિવિલમાં ખસેડાતાં તબીબે મૃત જાહેર કર્યા હતા. આ સંદર્ભે કલોલ શહેર પોલીસે કારના ચાલક સામે ગુનો નોંધી વધુ તપાસ શરૃ કરી છે.   

આ અકસ્માતની ઘટના સંદર્ભે કલોલના ગાયત્રી મંદિર પાસે સોપાન-રમાં આર-ર૦૩માં રહેતા વિપુલભાઈ અશોકભાઈ બારોટે ફરીયાદ નોંધાવી હતી કે તેમના પરિવારમાં પત્નિ નિલમબેન અને ૧૪ વર્ષીય પુત્ર યશનો સમાવેશ થાય છે. ગઈકાલે રાત્રે નવ વાગ્યે તેઓ ઘરે હતા તે દરમ્યાન તેમના મિત્ર એમીશ બારોટનો ફોન આવ્યો હતો અને પુછયું હતું કે ભાભી કયાં ગયા છે જેથી તેમણે કહયું હતું કે તે જમીને ચાલવા માટે નીકળ્યા છે. એમીશે તેમને તાત્કાલિક ગાયત્રી મંદિર બોલાવ્યા હતા અને કહયું કે ભાભીને અકસ્માત થયો છે. વિપુલભાઈ બાઈક લઈને તાત્કાલિક ત્યાં પહોંચ્યા હતા પરંતુ કોઈ મળ્યું નહોતું. જેથી કલોલ સિવિલમાં પહોંચ્યા ત્યારે તેમના પત્નિ નિલમબેન સ્ટ્રેચર ઉપર મૃત હાલતમાં હતા. જેથી આ સંદર્ભે તપાસ કરતાં નિલમબેન વીમા યોજના દવાખાના પાસે રસ્તો ઓળંગતા હતા ત્યાં મહેસાણા તરફથી પુરઝડપે આવી રહેલી કાર નં.જીજે-૦૧-એચવાય-૪૭૫૨ના ચાલકે  ટક્કર મારી અકસ્માત સર્જયો હોવાનું બહાર આવ્યું હતું. જેથી આ અંગે કલોલ શહેર પોલીસે કારના ચાલક સામે ગુનો નોંધી વધુ તપાસ શરૃ કરી છે. 

(6:16 pm IST)
  • દેશમાં કોરોનાના કેસ ઝડપથી વધ્યા : નવા કેસ કરતા રિકવર થનારની ઘટતી સંખ્યા : એકિટવ કેસમાં પણ વધારો : રાત્રે ૧૨ વાગ્યા સુધીમાં કોરોનાના નવા ૧૬,૮૨૪ કેસ નોંધાયા : કુલ કેસની સંખ્યા ૧,૧૧,૭૩,૫૭૨ થઇ : એકિટવ કેસ ૧,૭૩,૩૬૪ થયા વધુ ૧૩,૭૮૮ દર્દીઓ સ્વસ્થ થતાં કુલ ૧,૦૮,૩૮,૦૨૧ થયા : વધુ ૧૧૩ લોકોના મોત સાથે કુલ મૃત્યુઆંક ૧,૫૭,૫૮૪ થયા : દેશમાં સૌથી વધુ મહારાષ્ટ્રમાં નવા ૮૯૯૮ નવા કેસ નોંધાયા access_time 2:33 pm IST

  • વડાપ્રધાન નરેન્‍દ્રભાઇ મોદીને કેમ્‍બ્રિજ એનર્જી રિસર્ચ એસોસિએટ્‍સ વીક (સેરાવી)નો મહત્‍વપૂર્વ એવોર્ડ એનાયત કરાશે : પીએમ મોદીને આજે ગ્‍લોબલ એનર્જી અને એન્‍વાયર્નમેન્‍ટ લીડરશીપ એવોર્ડથી નવાજવામાં આવશેઃ ગ્‍લોબલ એનર્જી અને એન્‍વાયર્નમેન્‍ટ લીડરશીપ એવોર્ડ ૨૦૧૬માં શરૂ કરવામાં આવ્‍યો હતો : વૈશ્વિક ઉર્જા અને પર્યાવરણના ક્ષેત્રમાં પ્રતિબધ્‍ધ નેતૃત્‍વ માત્ર આ એવોર્ડ આપવામાં આવે છે. access_time 11:14 am IST

  • મ્યાંમાંરમાં જબરી હિંસાઃ ૧૯ પોલીસ કર્મચારી ભાગીને ભારત ભેગા.... : મ્યાંમાંરમાં ભારે હિંસા સર્જાઇ છે. ૧૯ પોલીસકર્મી ભાગીને ભારત પહોંચ્યા છે. શરણ માગ્યું છે. આ તમામ મ્યાનમારની સરહદે આવેલા પૂર્વ-પૂર્વ રાજ્ય મિઝોરમના બે જિલ્લા ચંપાઈ અને શેરચિપ થઈને ભારતમાં પ્રવેશ્યા છે. બધા લોકો નીચલા ક્રમાંકિત પોલીસ અધિકારીઓ છે. તેઓ ભારતની સરહદ પર આવ્યા ત્યારે તેમની પાસે કોઈ હથિયાર નહોતા. access_time 3:45 pm IST