Gujarati News

Gujarati News

News of Friday, 5th March 2021

કલોલમાં કારનો કાચ તોડી તસ્કરો દસ લાખ ભરેલ બેગ તફડાવી છુમંતર થઇ જતા પોલીસ ફરિયાદના આધારે તપાસ હાથ ધરી

ગાંધીનગર:જિલ્લામાં ઘરફોડ ચોરીની સાથે હવે નાની મોટી ચોરીઓ કરતી ટોળકી પણ સક્રિય થઈ છે. છેલ્લા થોડા સમયથી શહેર તેમજ આસપાસના વિસ્તારોમાં કારના કાચ તોડીને તેમાંથી કિંમતી મુદ્દામાલની પણ ચોરી કરવામાં આવી રહી છે ત્યારે કલોલ શહેરમાં જ કારનો કાચ તોડીને દસ લાખની ચોરીની ઘટના બની છે. જે અંગે મળતી વિગતો પ્રમાાણે કલોલના બોરીસણા રોડ ઉપર શક્તિ સૌદર્ય ફલેટ એ-૩૦૩માં રહેતા રાજેન્દ્રસિંહ મહેન્દ્રસિંહ રાજપૂત કલોલ જીઆાઈડીસીમાં આરવી પ્લાસ્ટિકની ફેકટરી ચલાવે છે. ગઈકાલે તેઓ નિત્યક્રમ મુજબ ફેકટરીએ ગયા હતા અને બપોરન સમયે તેમની કાર નં.જીજે-૧૮-બીએલ-૭૧૬૦ લઈને ઘરે જમવા માટે આવ્યા હતા. ત્યારબાદ બપોરે ત્રણ વાગ્યે તેઓ ફરી ફેકટરી જવા માટે નીકળ્યા ત્યારે કારમાં ડ્રાઈવર સાઈડની પાછળના ભાગે આવેલો દરવાજાનો કાચ તુટી ગયો હતો અને કારમાં તપાસ કરતાં તેમના મિત્ર પાસેથી લીધેલા પાંચ લાખ અને મજુરોને ચુકવવાના પાંચ લાખ એમ દસ લાખ અને અગત્યના ડોકયુમેન્ટ ભરેલું પર્સ ગાયબ હતું. જેથી આ ઘટના સંદર્ભે તેમણે તુરંત જ કલોલ શહેર પોલીસને જાણ કરતાં પોલીસે સ્થળ ઉપર પહોંચી તેમની ફરીયાદના આધારે ગઠીયાઓની શોધખોળ આદરી છે. આસપાસના સીસીટીવી ફુટેજની પણ પોલીસ દ્વારા ચકાસણી કરવામાં આવી રહી છે. ગઠીયાઓએ તેમનો ફેકટરીએથી પીછો કર્યો હોવાની શંકા સેવાઈ રહી છે.

(6:16 pm IST)
  • સુશાંત સંબંધી ડ્રગ્સ કેસમાં ચાર્જશીટ દાખલ સુશાંત સિંહ રાજપૂત સંબંધી ડ્રગ્સ કેસમાં આજે નેશનલ ક્રાઈમ બ્યુરો (એન.સી.બી.) સ્પેશિયલ એન.ડી.પી.એસ. કોર્ટમાં ચાર્જશીટ દાખલ કરી રહી છે. બોલિવૂડ અભિનેત્રી રીયા ચક્રવર્તી, તેનો ભાઈ અને બીજાઓ આ કેસમાં આરોપીઓ છે. access_time 1:17 pm IST

  • મુંબઈમાં મુકેશ અંબાણીના ઘર સામે મળેલ શંકાસ્પદ સ્કોર્પીયો કારના માલિકનું રહસ્યમય મોત : કાર માલિક મનસુખ હિરેનનો મૃતદેહ મળી આવતા ખળભળાટ : થોડા દિવસ અગાઉ રિલાયન્સના મુકેશ અંબાણીના ઘરની બહાર શંકાસ્પદ સ્કોર્પીયો કાર દેખાઈ હતી : જેમાંથી જીલેટીન મળ્યા હોવાના જે તે વખતે ખુલાસો થયો હતો access_time 5:24 pm IST

  • હેરંબા ઇન્ડ.નું બમ્પર લીસ્ટીંગ : ૧ લોટ પર રૂ. ૬ર૮૦નો ફાયદો :મુંબઇ : કેમીકલ કંપની હેરંબા ઇન્ડ. નું બમ્પર લીસ્ટીંગ : ઇસ્યુ પ્રાઇઝના ૪૩.પ૯ ટકા પ્રીમીયમે લીસ્ટીંગ : શેર ૯૦૦ ના ભાવે લીસ્ટ થયો : નિવેશકોને પ્રતિ લોટ રૂ. ૬ર૭૯ નો ફાયદો : ઇસ્યુ પ્રાઇઝ ૬ર૬-૬ર૭ રૂ. હતી. access_time 12:55 pm IST