Gujarati News

Gujarati News

News of Thursday, 4th March 2021

ગાંધીનગર જિલ્લાના ગ્રામ્ય વિસ્તારમાં અડાલજ પોલ્સે છાપો મારી ઓરડીમાં ચાલતા જુગારધામ પરથી ત્રણ શખ્સોને ઝડપી પાડયા

ગાંધીનગર : જિલ્લાના ગ્રામ્ય વિસ્તારોમાં છેલ્લા થોડા સમયથી જુગારની બદી વધી રહી છે ત્યારે અડાલજ પોલીસની ટીમ પેટ્રોલીંગમાં હતી તે દરમ્યાન બાતમી મળી હતી કે શેરથા ગામમાં પાણીની ટાંકીની રામાપીર મંદિર જવાના રોડ ઉપર આવેલી ઓરડીમાં ચિરાગ કાંતિભાઈ પટેલ તીનપત્તીનો જુગાર રમાડી રહયો છે. જે બાતમીના પગલે પોલીસ ટીમે અહીં દરોડો પાડતાં ગીરીશ છોટાલાલ પટેલ રહે.કિષ્નાપાર્ક જમીયતપુરા, વિઠ્ઠલભાઈ પ્રધાનજી ઠાકોર રહે.ભોયણમોટી, ચિરાગ કાંતિભાઈ પટેલ રહે.મકાન નં.એ/૧, કર્ણાવતી સોસાયટી, ઘાટલોડીયાને ઝડપી પાડયા હતા. જયારે આ દરોડા દરમ્યાન વાસુભાઈ પ્રહલાદભાઈ પટેલ રહે.જમીયતપુરા અને ઘાટલોડીયાના સંજય પ્રજાપતિ ભાગી જવામાં સફળ રહયા હતા. પોલીસે આ જુગારીઓ પાસેથી ૧૨૫૭૦નો રોકડ કબ્જે કરીને કાયદેસરની કાર્યવાહી હાથ ધરી હતી. તો બીજી બાજુ સે-ર૧ પોલીસે પણ સે-ર૪માં સીએનજી પંપ પાસે ઝાડીમાં જુગાર રમતાં સે-ર૪ ઈન્દિરાનગરમાં રહેતા વિનોદ પ્રહલાદભાઈ રાવળ, પેથાપુર મુલચંદપાર્ક સોસાયટીમાં રહેતા ભરતભાઈ બાબુભાઈ અસોડા, સરગાસણના સૌદર્ય-૪૪૪ કે-૩૦૧માં રહેતા ધવલ હસમુખભાઈ રાવલ અને સે-ર૪ સત્યમ ફલેટ એમ-૩૭/૪૩૭માં રહેતા જયંતિભઈા ભીખાભાઈ સોલંકીને ઝડપી પાડયા હતા. જેમની પાસેથી ૨૬૮૦ની રોકડ કબ્જે લીધી હતી. પોલીસે તમામ જુગારીઓ સામે જુગારધારા હેઠળ ગુનો નોંધીને કાયદેસરની કાર્યવાહી હાથ ધરી હતી.

(5:11 pm IST)
  • ટેક્સ બચાવવા વાળા પર સરકારની છે બાજનજર : પકડાઈ જશો તો 10 વર્ષની જેલ અને 300 ટકા દંડ :કાળાનાણાં સામે ઇન્કમટેક્સ વિભાગ કરશે કાર્યવાહી : બ્લેકમની કાયદા હેઠળ 400થી વધુ લોકો સામે કાર્યવાહી કરવા ઇન્કમટેક્સ ડિપાર્ટમેન્ટની તૈયારી access_time 12:24 am IST

  • રાજકોટ લોધિકા સંઘના ચેરમેન અને અકિલા ના વરિષ્ઠ સદસ્ય નરેન્દ્રસિંહ જાડેજાએ આજે લીધો કોરોનાની રસી નો પ્રથમ ડોઝ access_time 5:17 pm IST

  • જે સીડી પર ચડીને જિંદગીના સૌથી ઉંચા મુકામ પર પહોંચ્યા છીએ શું તેને પાડી દેવી યોગ્ય છેઃ કોંગ્રેસના વરિષ્ઠ નેતા સલમાન ખુર્શીદે જી-૨૩ના નેતાઓને લખ્યો ખીલ્લો પત્ર : પૂછયું કે શું તેઓ પક્ષ બદલવાનો વિચાર કરે છે ? : ખુર્શીદે ઉકત નેતાઓને કહ્યું કે આપણે વર્તમાનમાં યોગ્ય સ્થાન શોધવાની બદલે તેના પર ચિંતન કરવું જોઈએ કે ઇતિહાસ એમને કેવી રીતે યાદ રાખશે access_time 1:21 pm IST