Gujarati News

Gujarati News

News of Thursday, 4th January 2018

અમદાવાદનાં એસજી હાઇવે ઉપર મોંઘીદાટ ઓટોમેટિક કારે કાબુ ગુમાવ્યોઃ ૩ ગંભીરઃ કાર ચાલક ફરાર

અમદાવાદ તા. ૪ :.. અમદાવાદના એસજી હાઇવે પર કર્ણાવતી કલબ પાસે પુરપાટ ઝડપે આવી રહેલી દીવ દમણ પાસીંગની કેમરીઝ ગાડીએ કાબુ ગુમાવતાં અકસ્માત સજર્યો હતો. કર્ણાવતી કલબથી રોંગ સાઇડમાં આવી રહેલી આ કારે ત્રણ બાઇકને હડફેટે લીધા હતા અને ડીવાઇડર ઉપર ચડી જતા ત્રણ લોકોને ઇજા પહોંચી હતી. હાલ ત્રણેય લોકોની હાલત ગંભીર છે. જો કે આ ઘટના બાદ અકસ્માત સર્જનાર ગાડીનો ડ્રાઇવર ફરાર થઇ ગયો હતો.

ત્રણ ઇજાગ્રસ્તોમાંથી એકની હાલત ગંભીર છે. નોકરીએ જવા દરમિયાન નડયો અકસ્માત આ અકસ્માતમાં ગંભીર રીતે ઘવાયેલા ઇજાગ્રસ્તોમાં નરોડામાં રહેતા હર્ષિલ અને ધ્રુવ ક્રોપ ટાઇગર કંપનીમાં નોકરી કરે છે. ડ્રાઇવર હાઇ પ્રોફાઇલ હોવાનું  પોલીસનું માનવું અકસ્માત સર્જનાર કેમરીઝ ગાડી ફુલ્લી ઓટોમેટીક છે, જયારે ડ્રાઇવર સીટ પાસેથી નશો કરવા વપરાતી સિગારેટ પણ મળી આવી હતી. જે જોતાં ગાડીનો ડ્રાઇવર હાઇપ્રોફાઇલ હોવાનું પણ પોલીસ માની રહી છે. હાલ પોલીસે કારની વધુ તપાસ હાથ ધરી ડ્રાઇવરની શોધખોળ શરૂ કરી છે.

(4:11 pm IST)
  • બોલીવુડમાં લગ્ન કરવાની જાણે હોડ લાગી હોય તેમ હવે રણવીરસીહ અને દીપિકા પાદુકોણ પણ 5 જાન્યુઆરીએ, દીપિકાના ૩૨માં જન્મદિવસે સગાઈ કરવાના હોવાનું જોરશોરથી ચર્ચાય રહ્યું છે. હાલમાંજ બન્નેએ થર્ટી ફર્સ્ટની ઉજવણી એકસાથે શ્રીલંકામા કરી હોવાનું મીડ-ડે અખબારના હવાલાથી જાણવા મળે છે. access_time 10:13 am IST

  • દિલ્હીમાં સતત બીજા દિવસે ધુમ્મસનું સામ્રાજયઃ આવતી-જતી ૧૨ ટ્રેન રદઃ ૪૯ ટ્રેન તથા ૨૦ ફલાઇટ મોડી access_time 11:24 am IST

  • જાપાનના બોનિન ટાપુ પાસે આવ્યો ૫.૪ની તીવ્રતાનો ભૂકંપ access_time 10:42 am IST