Gujarati News

Gujarati News

News of Wednesday, 3rd January 2018

આડા સંબંધના વ્હેમમાં સેલવાસના રાન્ધામાં તીક્ષ્ણ હથિયાર વડે હુમલો કરી પતિએ પત્નીનું ઢીમ ઢાળી દીધું

વાપી:સેલવાસના નાના રાન્ધાના બીજોરીપાડા વિસ્તારમાં આધેડ પતિએ અન્ય પુરૃષ સાથેના આડા સંબંધનો વહેમ રાખી પત્નીનું તિક્ષ્ણ હથિયાર વડે હુમલો કરી ઢીમ ઢાળી દીધું હતું. પત્નિની હત્યા કરી પતિ ફરાર થઈ ગયો હતો.

સેલવાસ નજીકના રાન્ધા ગામે બીજોરીપાડામાં આડલુ શુક્કરભાઈ ભોયા (ઉ.વ.૬૦) પરિવાર સાથે રહે છે. ગઈકાલે રાત્રે આડલુ ભોયાએ પત્ની કાંતાબેન (ઉ.વ.૫૫)ના અન્ય પુરૃષ સાથે આડા સંબંધ હોવાનો વહેમ રાખી ઝઘડો કર્યો હતો. છેલ્લા લાંબા સમયથી અવાર નવાર પત્ની સાથે ઝઘડો કરી ગાળો આપતો હતો. ઈકાલે થયેલા ઝઘડામાં ઉશ્કેરાયેલા આડલુએ તિક્ષ્ણ હથિયાર વડે પત્ની પર હિચકારો હુમલો કર્યો હતો.

ઘટનાને પગલે પુત્ર ભાવેશ તથા આસપાસના લોકો કાતાબેનને બેભાન અવસ્થામાં સેલવાસ સિવિલ હોસ્પિટલમાં લઈ ગયા હતા. જ્યાં ફરજ પરના તબીબે કાંતાબેનને મૃત જાહેર કરી હતી. પત્નીની હત્યા કર્યા બાદ આરોપી પતિ ફરાર થઈ ગયો હતો. પુત્રએ માતાની હત્યા અંગે સેલવાસ પોલીસમાં પિતા વિરૃદ્ધ ફરિયાદ નોંધાવી હતી.

(4:28 pm IST)
  • દિલ્હીમાં સતત બીજા દિવસે ધુમ્મસનું સામ્રાજયઃ આવતી-જતી ૧૨ ટ્રેન રદઃ ૪૯ ટ્રેન તથા ૨૦ ફલાઇટ મોડી access_time 11:24 am IST

  • લોકસભામાં એક લેખિત જવાબમાં, રેલવેના રાજ્ય પ્રધાન રાજન ગોહૈને જણાવ્યું હતું કે ટિકિટ બુકિંગ માટે આધાર નંબર ફરજિયાત બનાવવા માટે કોઈ દરખાસ્ત નથી. જો કે, 1 જાન્યુઆરી, 2017થી વરિષ્ઠ નાગરિકો માટે રાહતભાવની રેલવે ટિકિટોના બુકિંગ માટે આધાર નમ્બરની નોંધણી સ્વૈચ્છિક ધોરણે રજૂ કરવામાં આવી છે. access_time 10:00 am IST

  • દિલ્હીના રોહિણી વિસ્તારમાંથી 1 કરોડના ડ્રગ્સ સાથે 1 શખ્શની કરાઈ ધરપકડ. access_time 10:53 am IST