Gujarati News

Gujarati News

News of Tuesday, 3rd December 2019

આણંદની મહાવીરપાર્ક સોસાયટીમાં અમેરિકાના વિઝા અપાવવાનું કહી એનઆરઆઇએ 25 લાખની ઠગાઈ આચરતા ફરિયાદના આધારે તપાસ હાથ ધરાઈ

આણંદ:શહેરની મહાવીરપાર્ક સોસાયટીમાં અમેરિકાના વિઝા અપાવવાના બહાને જોષીકૂવાના એનઆરઆઈએ ૨૫ લાખની ઠગાઈ કરતાં આ અંગે આણંદ શહેર પોલીસે ગુનો દાખલ કરીને તપાસ હાથ ધરી છે.

પ્રાપ્ત વિગતો અનુસાર આણંદ શહેરની મહાવીરપાર્ક સોસાયટીમાં રહેતા ફરિયાદી રાધાકૃષ્ણન કડવાભાઈ પ્રજાપતિ એક ખાનગી કંપનીની લાઈફ ઈન્સ્યોરન્સ કંપનીમાં નોકરી કરતા હોય તેમની ઓફિસે રસિકભાઈ ડાહ્યાભાઈ પટેલ (રે. મુળ જોષીકૂવા, આંકલાવ, હાલ અમેરિકા)નાઓ મળ્યા હતા. જેમણે અમેરિકાના વિઝા અપાવવાની વાત કરતાં રાધાકૃષ્ણનભાઈને અમેરિકા જવું હોય પહેલાં ૧.૨૦ લાખ આપ્યા હતા. ત્યારબાદ રસિકભાઈ અમેરિકા જતા રહ્યા હતા અને જુદા-જુદા બહાને કુલ ૨૫ લાખ મેળવી લીધા હતા. ત્યારબાદ અમેરિકામાં વિઝાના કાયદા કડક થઈ ગયા છે જેથી થોડી વાર લાગશે તેમ જણાવીને સમય ખેંચ્યે જતા હતા અને વિઝાની કોઈ જ કાર્યવાહી હાથ ધરી નહોતી.

દરમ્યાન ભારત પરત આવેલા રસિકભાઈ પટેલ પાસે પૈસાની માંગણી કરતાં તેઓએ ૨૫-૧૧-૧૯ના રોજ આસોદર ચોકડીએ બોલાવ્યા હતા જ્યાં રાધાકૃષ્ણનભાઈએ વિઝા અંગે વાત કરતાં તેઓ એકદમ ઉશ્કેરાઈ ગયા હતા અને પૈસા પણ પરત નહીં મળે તેમ જણાવીને થાય તે કરી લેવાનું જણાવ્યું હતુ જેથી રાધાકૃષ્ણનભાઈએ આણંદ શહે પોલીસ મથકે આવીને પોતાની ફરિયાદ આપી હતી.

(5:25 pm IST)
  • ઇમરાન ખાનનો આ છેલ્લો મહિનો : ઈમરાનને સતાથી હટાવવા માટેની આઝાદી માર્ચે ઐતિહાસિક ગણાવી મૌલાનાએ કહ્યું કે તેની પાર્ટી દેશભરમાં પોતાનું પ્રદર્શન ચાલુ રાખશે : મૌલાનાએ એમ પણ કહ્યું કે પનામા પેપર આંતરરાષ્ટ્રીય દબાણનો મામલો હતો જેનો ઉપયોગ રાજનૈતિક નેતૃત્વના વિરોધમાં કરાયો access_time 1:11 am IST

  • મમતા બેનરજી વિધાનસભાને જણાવ્યું હતું કે પશ્ચિમ બંગાળમાં ડેબ્યુથી ૪૪ હજાર લોકોને અસર થઇ છે:તેમણે કહેલ કે વિપક્ષ આ પ્રશ્ન રાજકીય સ્વરુપ આપી રહ્યા છે અને જાણે સરકારે ડેંગ્યુના લાર્વા પેદા કર્યા હોય તેવો માહોલ સર્જી રહ્યું છે. access_time 12:51 am IST

  • વિજયભાઈ રૂપાણીના ભત્રીજા અને ભત્રીજા વહુને બગોદરા પાસે અકસ્માત : બંને હેમખેમ : ઝાયડ્સ હોસ્પિટલમાં એક દિવસ દેખરેખ હેઠળ રાખેલ છે : આજે બપોરે મુખ્યમંત્રી શ્રી વિજયભાઈ રૂપાણીના સગા ભત્રીજા શ્રી અમિનેષ રૂપાણી અને તેમના પત્નિ શ્રીમતી વિમી રૂપાણીને બગોદરા પાસે અકસ્માત નડ્યો હતો. સામેની સાઇડેથી ગમે તે કારણોસર કોઈ મોટર અમિનેષના મોટરની દિશામાં આવી ટકરાતા અમિનેષને અને તેના પત્નિ બંનેને તાત્કાલીક અમદાવાદ સાવચેતીરૂપે લઈ જવામાં આવેલ. ઝાયડ્સ હોસ્પિટલમાં સીટી સ્કેન અને બધી જ તપાસ કરતા સંપૂર્ણ નોર્મલ અને ભયમુકત હોવાનું જાણવા મળે છે, આમ છતા તેમને એક દિવસ ઓબ્ઝર્વેશનમાં રાખવામાં આવ્યા છે. અમિનેષ અને વિમીબેનની તબિયત સારી છે. બંને ભયમુકત છે. access_time 3:56 pm IST