Gujarati News

Gujarati News

News of Tuesday, 3rd December 2019

પાલનપુરના એરોમા સર્કલ નજીક વાહનોની ભીડ જોવા મળી: બસના ડ્રાઈવરે સાઈડ લેવા બાબતે ટ્ર્કના ડ્રાઈવર સાથે હાથાપાઈ કરતા મામલો બિચક્યો

પાલનપુર: શહેરના એરોમા સર્કલ ઉપર સોમવારના ૩ઃ૩૦ વાગ્યાના સમયે  વોહનોની ભારે અવરજવરને લઈ ચક્કાજામ સર્જાતા વાહનચાલકોને કલાકો સુધી લાંબી કતારોમાં ઉભા રહેવાની ફરજ પડી હતી. આ ટ્રાફિકજામમાં ડીસા તરફથી આવેલી એક સરકારી બસના ચાલકે સાઈડ લેવા મામલે એક દૂધ ટેન્કરના ચાલક ઉપર ઉશ્કેરાઈ જઈ તેની સાથે મારામારી કરી હતી. રાધનપુર તરફથી દૂધ ભરીને આવી રહેલ વાવના હરજી રૃપસિંહ રાજપૂત ટ્રાફીકને લઈ એરોમા સર્કલ પર પોતાનુ ટેન્કર થોભાવી ઉભા હતા. ત્યારે બાજુમાં ઉભેલ બસના ચાલકે ટ્રાફિક વચ્ચે સાઈડ લેવા મામલે ટેન્કર ચાલક સાથે મારામારી શરૃ કરી હતીજેને લઈ અહી ટ્રાફીકમાં ફસાયેલ અન્ય બસોના ચાલકો પણ દોડી આવીને ટેન્કર ચાલક સાથે હાથાપાઈ કરી હતી. જેને લઈ અહીં ટ્રાફીક પોલીસની હાજરીમાં મારામારીના દ્રશ્યો સર્જાયા હતા અને ટ્રાફીક હળવો બનતાની સાથે જ બસના ચાલકો બસો લઈને નીકળી ગયા હતા. જેને લઈ ટેન્કર ચાલકે તેના સાથે મારામારી કરનાર બસ ચાલક વિરુદ્ધ પોલીસને રજૂઆત કરવાની તજવીજ હાથ ધરી હતી.

(5:22 pm IST)
  • ભારતીય રેલવેની મુસાફરોને ભેટ : હવે ટ્રેનના જનરલ ડબ્બામાં પણ રિઝર્વેશન મળશે : સીટ નંબર સાથે યાત્રીનો ફોટો વ્હોટ્સ એપ ઉપર આવી જશે : જગ્યા માટે થતા ઝગડા બંધ થઇ જશે :" પાસ ફોર અનરિઝર્વ્ડ બોર્ડ (PURB) " નામક યોજના પ્રાયોગિક ધોરણે શરૂ : ટૂંક સમયમાં સમગ્ર દેશમાં લાગુ કરાશે access_time 12:29 pm IST

  • વિજયભાઈ રૂપાણીના ભત્રીજા અને ભત્રીજા વહુને બગોદરા પાસે અકસ્માત : બંને હેમખેમ : ઝાયડ્સ હોસ્પિટલમાં એક દિવસ દેખરેખ હેઠળ રાખેલ છે : આજે બપોરે મુખ્યમંત્રી શ્રી વિજયભાઈ રૂપાણીના સગા ભત્રીજા શ્રી અમિનેષ રૂપાણી અને તેમના પત્નિ શ્રીમતી વિમી રૂપાણીને બગોદરા પાસે અકસ્માત નડ્યો હતો. સામેની સાઇડેથી ગમે તે કારણોસર કોઈ મોટર અમિનેષના મોટરની દિશામાં આવી ટકરાતા અમિનેષને અને તેના પત્નિ બંનેને તાત્કાલીક અમદાવાદ સાવચેતીરૂપે લઈ જવામાં આવેલ. ઝાયડ્સ હોસ્પિટલમાં સીટી સ્કેન અને બધી જ તપાસ કરતા સંપૂર્ણ નોર્મલ અને ભયમુકત હોવાનું જાણવા મળે છે, આમ છતા તેમને એક દિવસ ઓબ્ઝર્વેશનમાં રાખવામાં આવ્યા છે. અમિનેષ અને વિમીબેનની તબિયત સારી છે. બંને ભયમુકત છે. access_time 3:56 pm IST

  • જીડીપીના આંકડા મામલે ભાજપના સાંસદ નિશાકાન્ત દુબેએ કહ્યું જીડીપી કોઈ બાઇબલ કે રામાયણ નથી : થોડા વર્ષોમાં જીડીપીની જરૂરિયાત નહિ રહે : નિશાકાન્ત ડૂબેએ જીડીપીની થિયરી પર સવાલ ઉઠાવ્યા : તેઓએ કહ્યું જીડીપીને બદલે સતત આર્થિક વિકાસનું મહત્વ છે access_time 1:17 am IST