Gujarati News

Gujarati News

News of Tuesday, 3rd December 2019

રાજકોટની પ્રોજેક્ટ લાઈફ સંસ્થા દ્વારા શ્રી ગૌતમેશ્વર વિદ્યામંદિર ગુંજાલા ખાતે વિવિધ કાર્યક્રમો યોજાયા

વિજેતા વિદ્યાર્થીઓને મહેમાનો દ્વારા પુરસ્કાર અને પ્રમાણપત્ર આપી બિરદાવવામા આવ્યા

(વંદના નીલકંઠ વાસુકિયા દ્વારા) વિરમગામ:રાજકોટની પ્રોજેક્ટ લાઈફ સંસ્થા દ્વારા શ્રી ગૌતમેશ્વર વિદ્યામંદિર  ગુંજાલા ખાતે વિવિધ કાર્યક્રમોનું આયોજન કરવામાં આવ્યું હતુ.જેમાં મુખ્ય મહેમાન તરીકે  રાજકોટથી  પ્રભુભાઈ ગોહિલ હાજર રહ્યા હતા. વિવિધ કાર્યક્રમોમાં ગીત સ્પર્ધા,ચિત્ર સ્પર્ધા,સ્લો સાયકલીંગ,  ગ્રુપ ડાન્સ તેમજ અન્ય રમત ગમત સ્પર્ધાઓ યોજાઇ હતી. 

  વિજેતાઓને મુખ્ય મહેમાન તથા શાળાના આચાર્ય ડી  બી પટેલ સાહેબ, મંત્રી રમેશભાઈ તેમજ ટ્રસ્ટી અજીતભાઈ  શાહ, પ્રવીણભાઈ શાહ દ્વારા પુરસ્કાર અને પ્રમાણપત્ર આપી બિરદાવ્યા હતા. 

   કાર્યક્રમમાં ગામના આગેવાનો, સરપંચ, ડેલિકેટ હાજર રહ્યા હતા.શાળાના તમામ શિક્ષકો તેમજ કર્મચારીગણે કાર્યક્રમને સફળ બનાવવા પોતાનું યશસ્વી યોગદાન આપ્યું હતું.

(5:14 pm IST)
  • વિજયભાઈ રૂપાણીના ભત્રીજા અને ભત્રીજા વહુને બગોદરા પાસે અકસ્માત : બંને હેમખેમ : ઝાયડ્સ હોસ્પિટલમાં એક દિવસ દેખરેખ હેઠળ રાખેલ છે : આજે બપોરે મુખ્યમંત્રી શ્રી વિજયભાઈ રૂપાણીના સગા ભત્રીજા શ્રી અમિનેષ રૂપાણી અને તેમના પત્નિ શ્રીમતી વિમી રૂપાણીને બગોદરા પાસે અકસ્માત નડ્યો હતો. સામેની સાઇડેથી ગમે તે કારણોસર કોઈ મોટર અમિનેષના મોટરની દિશામાં આવી ટકરાતા અમિનેષને અને તેના પત્નિ બંનેને તાત્કાલીક અમદાવાદ સાવચેતીરૂપે લઈ જવામાં આવેલ. ઝાયડ્સ હોસ્પિટલમાં સીટી સ્કેન અને બધી જ તપાસ કરતા સંપૂર્ણ નોર્મલ અને ભયમુકત હોવાનું જાણવા મળે છે, આમ છતા તેમને એક દિવસ ઓબ્ઝર્વેશનમાં રાખવામાં આવ્યા છે. અમિનેષ અને વિમીબેનની તબિયત સારી છે. બંને ભયમુકત છે. access_time 3:56 pm IST

  • અરબી સમુદ્રમાં વાવાઝોડું પવન આકાર લઇ રહ્યું છે,અરબી સમુદ્રમાં રેકર્ડબ્રેક આઠમું વાવઝોડુ સર્જાશે,જોકે ભારતીય સમુદ્રકાંઠે વાવાઝોડાથી કોઈ ભય નથી,અને વાવઝોડુ પવન,સોમાલિયા તરફ આગળ વધશે access_time 8:53 pm IST

  • રાજકોટ નજીક શાપર-વેરાવળ પાસે ત્રિપલ અકસ્માત : યુટીલીટી,ખાનગી ટ્રાવેલ્સ,અને આઇસર વચ્ચે અથડામણ : ટ્રાવેલ્સમાં બેઠેલા તમામ હેમખેમ access_time 11:47 pm IST