Gujarati News

અમદાવાદ :પાસના કન્વીનર હાર્દિક પટેલના ઉપવાસના નવમા દિવસે આજે અચાનક ઉપવાસ છાવણી બહાર સમર્થકોના  ટોળા ભેગા થયા હતા. પોલીસે ખાસ લોકોને જ હાર્દિક સાથે મુલાકાત કરવા દે છે. તમામ લોકોને અંદર જવા દેવામાં આવતા નથી. આથી પાસના કાર્યકરો ઉશ્કેરાય ગયા હતા.

આ દરમિયાન ટોળાને વિખેરવા માટે પોલીસને લાઠીચાર્જ કરવાની ફરજ પડી હતી. આ લાઠીચાર્જથી હાર્દિક નારાજ થયો હતો. તેણે કહ્યું કે, પોલીસ જ્યાં સુધી લાઠીચાર્જ બંધ નહીં કરે ત્યાં સુધી હું મેડિકલ ચેકઅપ કરાવવાનો નથી.