Gujarati News

Gujarati News

News of Friday, 1st June 2018

૨૦૧૮-૧૯માં શાળાઓમાં ૨૪૭ દિવસ શિક્ષણ અને ૮૦ દિવસની રજા

૧૧ જૂનથી પ્રથમ સત્રનો પ્રારંભ ૧૦ ઓકટોબરથી પ્રથમ કસોટી : જયારે ૨૬ નવેમ્બરથી બીજા સત્રનો પ્રારંભ અને દ્વિતીય કસોટી ૮ એપ્રિલના લેવાશે

રાજકોટ, તા. ૧ : ઉનાળુ વેકેશનના દિવસો હવે અંતિમ તબક્કામાં છે ત્યારે શિક્ષણ વિભાગે આગામી ૨૦૧૮ - ૧૯ના શૈક્ષણિક વર્ષ માટેનું કેલેન્ડર જાહેર કર્યુ છે.

૨૦૧૮-૧૯ના નવા શૈક્ષણિક સત્રમાં પ્રથમ સત્ર તા.૧૧-૬-૨૦૧૮થી તા.૪-૧૧-૨૦૧૮ સુધી ૧૧૬ દિવસનું છે. જયારે તા.૫-૧૧-૨૦૧૮ થી ૨૫-૧૧-૨૦૧૮ ૨૧ દિવસનું દિવાળી વેકેશન શાળાઓ માટે ફાળવવામાં આવ્યુ છે. બીજા સત્ર તા.૨૬-૧૧-૨૦૧૮થી ૫-૫-૨૦૧૯ ૧૩૧ દિવસનું તેમજ તા.૬-૫-૨૦૧૯થી ૯-૬-૨૦૧૯ ૩૫ દિવસનું ઉનાળુ વેકેશન જાહેર કરવામાં આવ્યુ છે.

૨૦૧૮ - ૧૯ના શૈક્ષણિક વર્ષ દરમિયાન ૨૪૭ દિવસ શિક્ષણ માટે ફાળવવામાં આવ્યા છે. જયારે ૫૬ દિવસ વેકેશન અને જાહેર રજાના ૧૭ દિવસ અને આકસ્મીક અને સ્થાનિક રજાઓ માટે ૨૪ દિવસ ફાળવવામાં આવ્યા છે.

ગત માર્ર્ચ માસ ૨૦૧૮ના લેવાયેલ ધો.૧૦ અને ૧૨ની પરીક્ષામાં નાપાસ થયેલા વિદ્યાર્થીઓ માટે પુરક પરીક્ષા તા.૬-૭-૨૦૧૮થી તા.૯-૭-૨૦૧૮ દરમિયાન લેવાશે.

નવા શૈક્ષણિક સત્રમાં પ્રથમ કસોટી ધો.૯-૧૦ અને ધો.૧૧-૧૨ તમામ પ્રવાહો માટે તા.૧૯-૧૦-૨૦૧૮ થી ૩૦-૧૦-૨૦૧૮ દરમિયાન લેવામાં આવશે. ધો.૧૦-૧૨ની પ્રિલીમ પરીક્ષા ૨૮-૧-૨૦૧૯થી ૬-૨-૨૦૧૯ દરમિયાન લેવાશે. જયારે પ્રખરતા શોધ કસોટી ધો.૯ માટે તા.૭-૨-૨૦૧૯થી ૯-૨-૨૦૧૯ દરમિયાન લેવાશે.

ધો.૧૦ અને ૧૨ ૨૦૧૯ બોર્ડની પરીક્ષા માર્ચના પ્રથમ સપ્તાહથી લઈ ૨૩ માર્ચ સુધી લેવાશે. જયારે શાળાકીય વાર્ષિક પરીક્ષા ધો.૯ અને ધો.૧૧ના તમામ પ્રવાહોની પરીક્ષાઓ તા.૬-૪-૨૦૧૯થી ૧૬-૪-૨૦૧૯ દરમિયાન લેવાશે.

(1:24 pm IST)
  • બે નંબરનો ધંધો કરવો હોય તો સોનાનો કરો કારણ એક તેમાં પકડાઈ જવા પર જમીન મળી શકે છે :રાજસ્થાનના વિલારાના ધારાસભ્ય અર્જૂનલાલ ગર્ગે દેવાસી સમાજના કાર્યક્રમમાં કહ્યું કે બન્ને ચીજની કિંમત સરખી છે પરંતુ ડ્રગની તુલનાએ સોનામાં વેપાર કરવો સુરક્ષિત છે access_time 1:33 am IST

  • બ્લેકમનીની માહિતી આપનારને મળશે 5 કરોડ સુધીનું ઇનામ : કેસમાં 1 ટકાનું રીવોર્ડ મળશે : વિગત આપનારનું નામ ગુપ્ત રાખવા કોડ અપાશે : ઇન્કમટેક્સ ડિપાર્ટમેન્ટે નવી સ્કીમ લાગુ કરી છે જેમાં કાળું નાણુંની માહિતી આપનારને ઇનામ મળશે : સીબીડીટીએ આઇટી ઈન્ફોરમેશન રીવોર્ડસ સ્કીમ જાહેર કરી છે બ્લેકમની અંગે માહિતી આપનારને 5 કરોડ સુધીનું ઈનામ મળશે ફોરેન બ્લેક મની કેસમાં 1 ટકાનું રીવોર્ડ મળશે અને આ અંગેની માહિતી આપનારની વિગત ગુપ્ત રાખવા કોડ અપાશે access_time 1:04 pm IST

  • પાકિસ્તાન છેલ્લા 70 વર્ષના ઇતિહાસમાં ચૂંટાયેલી સરકારે બીજીવાર પોતાનો કાર્યકાળ પૂરો કર્યો : મોટાભાગે દેશની સેનાએ જ શાસન કર્યું હતું :પાકિસ્તાનની પીએમએલ (એન )સરકારે પાંચ વર્ષ પુરા કર્યા :સંસદીય મામલાના મંત્રાલયે 31મી મેના મધ્યરાત્રીએ 14મી નેશનલ એસેમ્બલી ભંગ થયાની જાહેરાત કરી છે: હવે 25મી જુલાઈએ સામાન્ય ચૂંટણી સુધી દેશનું કાર્યવાહક વ્યવસ્થા સંચાલન કરશે access_time 12:55 am IST