Gujarati News

Gujarati News

News of Wednesday, 14th February 2018

નવી સીઝનના પ્રારંભે મરચામાં ઝડપી તેજી સાઉથમાં ઉત્પાદન ઘટતા ભાવ ઊંચા ખુલ્યા

ગતવર્ષની તુલનાએ ભાવ કવીન્ટલે ૫૦૦૦ ઊંચા કવોટ થયા

રાજકોટ, તા.૧૪ : મરચાની નવી સીઝનના પ્રારંભે ભાવમાં ઝડપી તેજીનો માહોલ જોવાયો છે. સાઉથમાં મોટાભાગના રાજયોમાં મરચાનું ઉત્પાદન ઘટ્યું હોવાથી ભાવમાં તેજી જોવાઈ હોવાનું મનાય છે. આંધ્રપ્રદેશ, તેલંગાણા અને કર્ણાટકમાં મરચાનું ઉત્પાદન ઘટ્યું છે. ખમ્મામ મંડીમાં મરચાનો સરેરાશ ભાવ ગયા વર્ષની તુલનાએ કવીન્ટલે ૫૦૦૦ ઊંચા કવૉટ થઇ રહયો છે.

સાઉથની મંડીમાં મરચાનો ભાવ પ્રતિ કવીન્ટલ ૧૧૦૦૦ થી ૧૨૦૦૦ વચ્ચે બોલાય રહયો છે. જયારે ગંટુરમાં ૯૫૦૦ પ્રતિ કવીન્ટલ ભાવ હતો. તેલંગાણામાં ગયા વર્ષે મરચાનો ૩ લાખ ટનનો વિક્રમી પાક થયો હોવાથી ભાવ નીચા હતા.

વેપારીઓના માનવા મુજબ તેલંગાણામાં મરચાનું ઉત્પાદન ચાલુ વર્ષે ૨ લાખ ટન થવાનો અંદાજ છે. મરચાની આવક વધતા ભાવમાં ઘટાડો જોવાઈ શકે છે. પરંતુ હાલમાં નવી આવક ધીમી હોવાથી ભાવમાં તેજીનો માહોલ છે. (૨૪.૨)

(9:51 am IST)
  • દિલ્હીઃ ''આપ''ના વિધાનસભ્યોને ડીસમસ કરવા અંગે આજે કોર્ટમાં સુનાવણી access_time 4:10 pm IST

  • દુનિયામાં માત્ર ૫ ટકા મહિલાઓ ગણિત અને નેચરલ સાઈન્સ ક્ષેત્રમાં કામ કરે છેઃ એન્જીનીયરીંગમાં ૮ ટકા અને સ્વાસ્થ્યના ક્ષેત્રમાં ૧૫ ટકા મહિલાઓ access_time 4:11 pm IST

  • નેપાળની ઐતિહાસિક સંસદીય ચૂંટણીઓમાં ડાબેરી ગઠબંધનની મોટી જીત બાદ સીપીએન-યુએમએલના ચેરમેન કે.પી. શર્મા ઓલી (65 વર્ષ) ફરી એક વખત દેશના વડાપ્રધાન બન્યા છે. ગુરુવારે તેમણે બીજી વખત નેપાળના વડા પ્રધાન તરીકે શપથ લીધા હતા. ભારત સાથે રોટી - પુત્રીનો સંબંધ ધરાવનાર પાડોશી દેશ નેપાળના નવા વડાપ્રધાન ઓલીને ચાઇનાનાં સમર્થક માનવામાં આવે છે. access_time 1:50 am IST