Gujarati News

Gujarati News

News of Friday, 9th February 2018

તુવેરના ભાવ ટેકાથી નીચેઃ આફ્રિકન દેશોથી સસ્તી આયાતથી ખેડૂતોને નુકશાનઃ પ્રતિબંધ મુકવા માંગ

આફ્રિકન દેશો સાથેના કરારથી તુવેરની આયાતને મુકિત હોવાથી વધતી મુશ્કેલી

રાજકોટ, તા.૯ : કઠોળના ભાવમાં ઘટાડો થઇ રહયો છે. તેમાંયે એક સમયે જેના ભાવ આસમાને પહોંચ્યા હતા. તે તુવેરદાળના ભાવ હાલમાં ટેકાથી નીચા જોવાઈ રહ્યાં છે. કેન્દ્ર સરકારે તુવેરની આયાત નિયંત્રણ લાદીને વાર્ષિક બે લાખ ટનની આયાતની છૂટ આપી છે. પરંતુ આફ્રિકન દેશો સાથેના કરારને કારણે આયાત લિમિટ લાગુ પડતી નથી અને સરકારે કરેલા કરાર મુજબ તુવેર સરળતાથી આવી રહી છે. જેના કારણે ખેડૂતોને નુકશાન થઇ રહયું છે. ત્યારે આયાત પર પ્રતિબંધ મુકવા માંગણી ઉઠી છે.

અત્રે ઉલ્લેખનીય છે કે, સરકાર દ્વારા ગત ઓગસ્ટમાં આયાત નિયંત્રણ મુકાયા હતા. પરંતુ સરકાર દ્વારા થતી આયાત પર નિયમ લાગુ પડતો નહીં હોવાથી મોટાપાયે તુવેરની આયાત થઇ રહી છે. આયાતી તુવેરના ભાવ નીચા હોવાથી સ્થાનિક ખેડૂતોને પણ નીચા ભાવ મળી રહ્યાં છે. આવી સ્થિતિમાં સસ્તી તુવેરની આયાતથી ખેડૂતોને પૂરતા ભાવ નહિ મળતા નુકશાન થઇ રહયું છે. ત્યારે તુવેરની આયાત પર સંપૂર્ણ પ્રતિબંધ મુકવા કર્ણાટકમાં માંગ ઉઠી છે.

(9:51 am IST)
  • અમેરિકાના ફ્લોરીડામાં પાર્કલેન્ડની સ્ટોનમેન ડગલસ હાઇસ્કુલની અંદર ચાલી રહ્યું છે અંધાધુંધ ફાયરીંગ : પોલીસે સમગ્ર વિસ્તારમાં કરી નાકાબંદી : સંખ્યાબંધ હતાહ્તની સેવાય રહેલી શંકા : FBI પહોચી ઘટના સ્થળે : ગોળીબાર કરનાર કોણ છે એ હજુ જાણી શકાયું નથી : સંકુલમાં લગભગ ૩૦૦૦ વિદ્યાર્થી હોવાનું સંભવ : વિદ્યાર્થીઓને સુરક્ષિત સંકુલની બહાર ખસેડાય રહ્યા છે : આતંકી માર્યો ગયો છે કે નહી એ હજુ જાની શકાયું નથી access_time 2:03 am IST

  • રાજસ્થાનમાં આવેલા રણથંભોર નેશનલ પાર્કમાં વાઘની સંખ્યામાં વધારો થયો છે. જાન્યુઆરીમાં પાર્કમાં કુલ ૬૭ વાઘ હતા. તેમાંથી ૨૧ નર વાઘ અને ૨૦ માદા છે. પાર્કના ઈતિહાસમાં આટલા બધા વાઘ ક્યારેય જોવા મળ્યા નથી, એક સમયે વાઘની સંખ્યા ઘટીને 25 થઈ ચુકી હતી. નિષ્ણાંતોના જણાવ્યા પ્રમાણે પાર્કની ક્ષમતા કરતા અહી વાઘની સંખ્યા વધી ગઈ છે. access_time 1:06 pm IST

  • દેશમાં આજે ઠેર-ઠેર થઈ રહ્યો છે વેલેન્ટાઇન-ડે નો વિરોધ : હૈદ્રાબાદમાં બજરંગ દળના કાર્યકર્તાઓએ પુતળા બાળ્યા : ચેન્નાઈમાં ભારત હિંદુ ફ્રન્ટ સંસ્થાએ વેલેન્ટાઇન-ડે ના વિરોધમાં કુતરા ને ગધેડાના લગ્ન કરાવ્યા : અમદાવાદમાં રીવરફ્રન્ટ પર બજરંગ દળના લોકો પ્રેમી યુગલો પાછળ લાકડી લઈને દોડ્યા : પટણામાં વેલેન્ટાઇન-ડે ના વિરોધમાં હિંદુ મહાસભાના કાર્યકર્તાઓએ વિરોધ પ્રદર્શન કરીને પુતળા સળગાવ્યા હતા. access_time 12:57 pm IST