Gujarati News

 મુંબઈ: સોની અને માર્વેલ સ્ટુડિયોની ફિલ્મ સ્પાઈડરમેનઃ નો વે હોમે ભારતીય બોક્સ ઓફિસ પર જબરદસ્ત બિઝનેસ કર્યો છે. ભારતમાં 200 કરોડનો બિઝનેસ કરનાર સ્પાઈડરમેન સિરીઝની પહેલી ફિલ્મ બની ગઈ છે. અગાઉ ધ જંગલ બુકે આ કારનામું કર્યું હતું. છેલ્લા 13 દિવસથી આ ફિલ્મ દર્શકોને પોતાની સાથે જોડવામાં સફળ રહી છે. રોગચાળાના સમય પછી પણ ફિલ્મ સારી કમાણી કરી રહી છે. ફિલ્મને લઈને લોકોમાં જે ક્રેઝ છે તે ફિલ્મનું શાનદાર કામ દર્શાવે છે. દેશમાં બાળકોથી લઈને વડીલો સુધી સ્પાઈડર મેનના ચાહકો છે. ફિલ્મના કેરેક્ટરની વાત કરીએ તો ફિલ્મમાં ટોમ હોલેન્ડ સ્પાઈડર મેનનું પાત્ર ભજવી રહ્યો છે જ્યારે ઝંડયા તેની ગર્લફ્રેન્ડના રોલમાં છે, બંનેની કેમેસ્ટ્રી ચાહકોને ખૂબ જ પસંદ આવી રહી છે.