Gujarati News

આ વર્ષે પુત્ર ઝેનને જન્મ આપ્યા બાદ શાહિદ અને મીરા સાતમા આસમાને છે. પરંતુ શું તમે જાણો છો હવે આવતા વર્ષ માટે તેમનો શું પ્લાન છે? મીરા અને શાહિદ આવતા વર્ષે જીવનનું એક ઘણું અગત્યનું પગલુ ભરવા જઈ રહ્યા છે.

રિપોર્ટ્સ મુજબ શાહિદ અને મીરા આવતા વર્ષે નવા ઘરમાં શિફ્ટ થઈ જશે. શાહિદની નજીકના એક સૂત્રએ સ્પોટબોય વેબસાઈટ સાથેની વાતચીતમાં કહ્યું કે બંને ટૂંક જ સમયમાં જુહુ તારા રોડ પર આવેલા પ્રણેતા એપાર્ટમેન્ટને છોડી દે તેવી શક્યતા છે. બંને નવા ઘરનું તમામ કામ પૂર્ણ થાય પછી જ શિફ્ટ થવા માંગે છે.

શાહિદ અને મીરાનું નવુ ઘર એક આલીશાન ડુપ્લેક્સ છે. વર્લીમાં આવેલા આ એપાર્ટમેન્ટમાં અક્ષય કુમાર, અભિષેક બચ્ચનના પણ ઘર આવેલા છે. આ ફ્લેટ 42 અને 43મા માળએ આવેલો છે. આ ઘરનો એરિયા 427.98 સ્ક્વેર મીટર અને 300.48 સ્ક્વેર મીટર છે. તેમાં 40.88 સ્ક્વેર મીટરની તો બાલ્કની છે.

ચર્ચા એવી છે કે આ ફ્લેટમાં શાહિદ પાસે છ પાર્કિંગ સ્પોટ હશે. આ ફ્લેટની અંદાજિત કિંમત 56 કરોડ હોવાની ચર્ચા છે. કપલે આ ફ્લેટ ખરીદતા પહેલા બીજા અનેક ફ્લેટ્સ જોઈ રાખ્યા હતા.