Gujarati News

Gujarati News

News of Tuesday, 24th September 2019

મિત્ર અનિલને કારણે નો એન્ટ્રીની સિકવલમાં કામ નહિ કરે સલમાન

બોલીવૂડના દબંગ સ્ટાર સલમાન ખાનની ડિમાન્ડ સતત રહે છે. તેની રેસ ૩ ફ્લોપ થઈ એ પછી ભારત ફિલ્મે સારી કમાણી કરી લીધી હતી. આવનારા દિવસોમાં તેની દ્યણી મોટી ફિલ્મો આવી રહી છે. આ ઉપરાંત નવા મોટા પ્રોજેકટ પણ તેના હાથમાં છે. વર્ષના સૌથી વધુ કમાણી કરનારા સુપરસ્ટારની યાદીમાં સલમાનનો સમાવેશ કરી શકે છે. દબંગ-૩ સાથે સલમાનની કિક-૨ પણ કતારમાં છે. સાથે જ તેરે નામ અને નો એન્ટ્રીની સિકવલમાં પણ સલમાને કામ કરવાની તૈયારી દર્શાવી હતી. સલમાનની બહુ રાહ જોવાતી ફિલ્મમાંથી એક નો-એન્ટ્રીની સિકવલ છે. જો કે  હવે સલમાને નો-એન્ટ્રીની સિકવલમાં કામ કરવાનો ઇનકાર કરી દીધો છે. તેનું કારણ તેના ખાસ મિત્ર અનિલ કપૂર છે. સલમાન અને અનિલ કપૂરની તારીખો એકસરખી નથી. આ કારણે તે આ ફિલ્મ માટે એક સાથે શૂટિંગ કરી શકશે નહીં. સલમાન ખાન પોતાના ખાસ મિત્ર અનિલ કપૂર સાથે નો એન્ટ્રીમાં કામ કરવા ઇચ્છે છે. અનિલ પાસે ત્રણ મહિના સુધી નો-એટ્રીની સિકવલ માટે કોઈ તારીખો ખાલી નથી.

(10:06 am IST)
  • કાલથી કેરળમાં મધ્યમ - ભારે વરસાદ : અપર લેવલ એકટીવ સરકયુલેશન અને લો લેવલ હિલચાલના પગલે આગામી કેટલાક દિવસો (૨૪-૨૫ સપ્ટેમ્બર) સુધી કેરળમાં મધ્યમથી ભારે વરસાદની ખાનગી વેધર ચેનલે આગાહી કરી છે : ગાજવીજ સાથે બેંગ્લોર અને તામિલનાડુમાં વરસાદ પડવા સંભવ access_time 6:32 pm IST

  • આપરાધિક કેસની તપાસ દરમ્યાન પોલીસ અચલ સંપત્તિઓને જપ્ત અથવા કબ્જે કરી શકે નહિ : સુપ્રીમ કોર્ટ access_time 1:11 pm IST

  • છત્તીસગઢમાં નકસલીઓએ ટેન્કરમાં બ્લાસ્ટ કર્યોઃ ૩ના મોત : કાંકેરમાં નકસલીઓએ ડીઝલ ટેન્કરમાં બ્લાસ્ટ કર્યોઃ નિર્માણકાર્યમાં લાગેલા ટેન્કરમાં બ્લાસ્ટ કર્યોઃ ટેન્કરમાં બ્લાસ્ટ થતા ૩ લોકોના મોત access_time 3:23 pm IST