Gujarati News

Gujarati News

News of Wednesday, 24th February 2021

આફતાબને મળી બીજી વેબ સિરીઝ

આફતાબ શિવદાસાની ઝી ફાઇવના શો પોઇઝન-૨માં જોવા મળ્યો હતો. હવે વધુ એક સિરીઝ તેને મળી છે. નિરજ પાંડે 'સ્પેશિયલ ઓપરેશન ૧.૫: ધ હિમ્મત સ્ટોરી' બનાવી રહ્યા છે. આ માટે તેણે આફતાબને સાઇન કરી લીધો છે. સ્પેયિશલ ઓપ્સ પછીની સ્પેશિયલ ઓપ્સ યુનિવર્સ આગળનો ભાગ છે. ગયા વર્ષે દર્શકોએ પહેલો ભાગ ખુબ પસંદ કર્યો હતો. આફતાબે પણ પહેલો ભાગ જોયો હતો અને તેનો તે ઉત્સાહી પ્રશંસક હતો. હવે તેને બીજા ભાગમાં રોલ મળી જતાં તે વધુ ખુશ છે. તેણે કહ્યું હતું કે નિરજ પાંડેએ મને પસંદ કરતાં હું અત્યંત રોમાંચીત થયો છું.

નિરજે પણ કહ્યું હતું કે આફતાબની આ શોમાં એન્ટ્રીથી અમે ખુશ છીએ. સ્પેશિયલ ઓપ્સ ૧.૫ કલાકારોની ટૂકડીની એક રોમાંચક એડિશન છે. અમે આ બધા સાથે કામ કરવા તત્પર છીએ. આ વખતે સિરીઝમાં હિમ્મતસિંહ (કેકે મેનન)ની પાછલી જિંદગીની કહાની જોવા મળશે. સૈયામી ખેર, શરદ કેલકર, કરણ ટક્કર, મુઝમ્મિલ ઇબ્રાહીમ, સના ખાન, મેહર વિજ, દિવ્યા દત્તા, વિનય પાઠક, વિપુલ ગુપ્તા સહિતના કલાકારો પણ છે.

(10:14 am IST)
  • કોંગ્રેસ પ્રમુખ અમિત ચાવડાના કૌટુંબિક ભાઈ પ્રશાંત ચાવડાએ ભગવો ધારણ કર્યો, રાજ્યસભાના પૂર્વ સાંસદ લાલસિંહ વડોદીયાએ આણંદમાં ખેસ પહેરાવી કર્યું સ્વાગત access_time 1:05 am IST

  • મધ્યપ્રદેશમાં કોરોના રસીનો બીજો ડોઝ લીધાના કેટલાક કલાકો બાદ મહિલાનું મોત : બડવાની જિલ્લામાં સ્વાસ્થ્ય વિભાગની 60 વર્ષીય મહિલા કર્મચારીનું રાશિનો બીજો ડોઝ લીધા બાદ મોત : જિલ્લા કલેકટરે આપ્યા તપાસના આદેશ access_time 12:29 am IST

  • સ્પાઈસ જેટ એરલાઈન્સ આગામી ૭ માર્ચથી રાજકોટ – મુબઇ વચ્ચે ડેઈલી ફલાઈટ શરૂ થશે : રાજકોટથી બોમ્બે અને દિલ્હી વચ્ચે ફલાઈટ ઉડાડતી સ્પાઈસ જેટ એરલાઈન્સ ૭ માર્ચથી રાજકોટ - મુબઈ વચ્ચે બીજી ડેઈલી ફલાઈટ શરૂ કરશે : ફલાઈટનો સમય સાંજે ૭:૧૦ મીનીટે આવશે સાંજે ૭:૪૦ રવાના થશે access_time 6:02 pm IST