Gujarati News

Gujarati News

News of Friday, 23rd April 2021

દર્શકોની ટીપ્પણીઓ ખુશ કરે છેઃ મદાલસા

ટીવી પરદાના લોકપ્રિય શોમાં સોની ટીવીનો શો અનુપમા પણ સામેલ છે. આ શોમાં કામ કરી રહેલા કલાકારો રૂપાલી ગાંગુલી, સુધાંશુ પાંડે અને તસ્નીમ નેરૂરકર કોરોનાથી સંક્રમિત થતાં શુટીંગમાં અસર પડી હતી. સિરીયલમાં કાવ્યાનો રોલ નિભાવી ઘર ઘરમાં જાણીતી બનેલી અભિનેત્રી મદાલસા શર્માએ કોરોના સામે લોકોને ચેતવતા કહ્યું હતું કે સાવધાની જ બચાવી શકે તેમ છે. માત્ર આપણું જ નહિ આપણા પરિવારજનોનું પણ આપણે ધ્યાન રાખવાનું છે. કાવ્યા આ શોમાં અનુપમા અને વનરાજનું લગ્નજીવન ભાંગી નાંખવાના ઇરાદે કાવત્રા કરતી રહે છે. જો કે આમ છતાં તેને તેના આ પાત્ર બદલ કોઇપણ ચાહકો-દર્શકો તરફથી નફરત ભરેલા સંદેશા મળ્યા નથી. તે કહે છે સોશિયલ મિડીયા પર મને મિશ્રીત સંદેશા મળે છે. કેટલીક મહિલાઓ લખે છે કે કાવ્યાનું પાત્ર સ્વતંત્ર અને મજબૂત મહિલાનું છે. તો કેટલાકની ટીપ્પણી એવી પણ હોય છે કે કાવ્યાએ આવું કામ ન કરવું જોઇએ. આ બંને ટીપ્પણીઓ મારા દિવસને ખુશનુમા બનાવી દે છે. કારણ કે બંને ટીપ્પણી મારા માટે સારી બાબત છે.

(10:07 am IST)
  • દેશમાં ઓક્સિજનની અછત વચ્ચે યુ.પી. માં શ્રી રામ જન્મભૂમિ ટ્રસ્ટ, અયોધ્યાના દશરથ મેડિકલ કોલેજમાં 'સ્ટેટ-ઓફ-આર્ટ' ઓક્સિજન પ્લાન્ટ બનાવવા માટે આગળ આવ્યું હોવાનું જાણવા મળે છે. access_time 7:56 pm IST

  • કેન્દ્રીય ગૃહમંત્રી અમિતભાઈ શાહ આવતી કાલે શનિવાર 24 મી એપ્રિલે સવારે 10.15 વાગ્યે ગાંધીનગર સંસદીય મત વિસ્તારમાં કોલવડાની ડેઝીગ્નેટેડ કોવિડ હોસ્પિટલ ખાતે 300 લીટર પ્રતિ મિનિટની ક્ષમતા ધરાવતા પી.એસ એ ઓકસીજન પ્લાન્ટનું ઉદઘાટન કરશે. મુખ્યમંત્રી વિજયભાઈ રૂપાણી તેમજ નાયબ મુખ્ય મંત્રી નીતિનભાઈ પટેલ પણ આ તકે ઉપસ્થિત રહેશે. access_time 11:08 pm IST

  • મુખ્યમંત્રી વિજયભાઈ રૂપાણીએ એક આદેશ જાહેર કર્યો છે અને પોલીસતંત્રને કહ્યુ છે કે સ્કુટર ચાલકો અને મોટર ચાલકો પાસેથી માસ્ક પહેર્યુ ન હોય તે સિવાય બીજો કોઈપણ દંડ હાલના સંજોગોમાં વસૂલવો નહિં access_time 6:08 pm IST