Gujarati News

Gujarati News

News of Friday, 22nd June 2018

દબંગ 3માં વિલનના રોલમાં નજરે પડશે સકીબ સલીમ

મુંબઈ:અભિનેતા સકીબ સલીમને સલમાન ખાનની સુપરહિટ ફ્રેન્ચાઇઝી દબંગની ત્રીજી કડીમાં મુખ્ય વિલનનો રોલ મળ્યો હોવાની માહિતી મળી હતી. સલમાન સાવ નવોદિતોને પીઠબળ આપવા ઉપરાંત જેમની કારકિર્દી હાલ ડામાડોળ હોય એવા કલાકારોને મદદ કરવા માટે પંકાયેલો છે. રેસ થ્રીમાં એણે બોબી દેઓલની કારકિર્દીને ફરી જીવતદાન આપ્યું હતું એ હકીકત હવે જગજાહેર છે. ડેઝી શાહ, જેક્લીન ફરનાન્ડિસ, સૂરજ પંચોલી વગેરેને પણ સલમાને તક આપી હતી અને એમાંની જેક્લીન તો આજે ટોચની અભિનેત્રી ગણાતી થઇ ચૂકી છે. સકીબને રેસ થ્રીમાં તક આપવા ઉપરાંત સલમાને એને હવે દબંગ થ્રીમાં વિલન તરીકે તક આપી છે. રેસ થ્રી વખતે જ સકીબે એક મુલાકાતમાં કહ્યું હતું કે સલમાનની ફિલ્મમાં મને તક મળી છે એટલે મારી કારકિર્દીને જરૃર વેગ મળશે. જો કે સલમાનની નિકટનાં સૂત્રોએ કહ્યું કે હજુ સલમાને સકીબને ઔપચારિક રીતે સાઇન કર્યો નથી. હજુ તો ભાઇના મનમાં આ વિચાર પ્રગટયો છે કે દબંગ થ્રીમાં વિલન તરીકે સકીબ સલીમને લઇ શકાય. મૂળ દબંગમાં સોનુ સૂદ અને દબંગ ટુમાં પ્રકાશ રાજે વિલનના રોલ કર્યા હતા.

(4:49 pm IST)
  • જમ્મુ કાશ્મીરના ત્રાલમાં આતંકીઓએ કર્યો ગ્રેનેડ હુમલો : હુમલામાં ૮ જવાન ઘાયલ થયા છે : સુરક્ષાબળોએ સમગ્ર વિસ્તારને ઘેરીને આતંકીઓ સામે કાર્યવાહી ચાલુ કરી હોવાનું જાણવા મળે છે access_time 4:44 pm IST

  • જમ્મુ-કાશ્મીરમાં રાજ્યપાલ શાસન બાદ ગવર્નર એનએન વ્હોરાએ સર્વપક્ષીય બેઠક બોલાવી :ભાજપ અને પીડીપીની ગઠબંધન સરકાર તૂટી પડ્યાના એક દિવસ બાદ રાજ્યપાલ શાસન લાગુ :ભાજપે ટેકો પાછો ખેંચતા મહેબુબા મુફ્તીની સરકાર અલ્પમતમાં આવતા તેણીએ રાજીનામુ આપ્યું હતું access_time 12:58 am IST

  • ગીરગઢડા તાલુકાના ધોકડવા ગામે ભેદી ધડાકો: લોકો ધરની બહાર દોડી ગયા : ધોકડવાના આસપાસના ગામો સહીત ગીર જંગલમા ભેદી ધડાકાનો અવાજ સંભળાયો: લોકોના જણાવ્યા પ્રમાણે આકાશથી પસાર થઈ રહેલ વિમાન નિકળી રહ્યુ હતુ ત્યાંરે થયો ભેદીધડાકો: ધોકડવાના અબાની ધાર વિસ્તારમા લોકોના મકાનનો સેલ્બ તેમજ નળીયા વાળા મકાનના નળીયા પણ હલબલી ગયા access_time 6:57 pm IST