Gujarati News

Gujarati News

News of Monday, 16th April 2018

ફરી એકવાર સાથે રોમાન્સ કરશે દીપિકા-રણવીર

મુંબઇ:સુપરહિટ જોડી દીપિકા પાદુકોણ અને રણવીર સિંઘ નજીકના ભવિષ્યમાં પ્રતિષ્ઠિત બેનર યશ રાજની એક ફિલ્મ કરશે એવી માહિતી મળી હતી. અત્યાર અગાઉ બંનેએ લાગલાગટ સંજય લીલા ભણસાલીની એક પછી એક ત્રણેક ફિલ્મ કરી હતી જે ત્રણે સુપરહિટ નીવડી હતી. રામલીલાઃ ગોલિયોં કી રાસલીલા, બાજીરાવ મસ્તાની અને પદ્માવત. તાજેતરમાં એવી વાતો પણ વહેતી થઇ હતી કે ૨૦૧૮ના ડિસેંબરમાં બંને કલાકોર પરણી જશે. રણવીરે ૨૦૧૩થી દીપિકા સાથે અફેર ચાલી રહ્યો હોવાની ઔપચારિક જાહેરાત પણ કરી હતી. પરંતુ એણે એવી સ્પષ્ટતા કરી કે ચાલુ વરસે તો અમને પરણવાનો સમય મળે એવું લાગતું નથી. અમે બંને બીઝી છીએ.

 

 

(4:52 pm IST)
  • અમદાવાદના આંબાવાડી વિસ્તારના આંબેડકર નગરમાં મોડી રાત્રે યુવતીની છેડતી બાબતે જૂથ અથડામણને પગલે ભયનો માહોલ છવાઈ ગયો હતો. સામસામે આવી ગયેલા બે જૂથોએ વાહનોને આગ પણ ચાંપી દીધી હતી. ટોળાએ ફાયરબ્રિગેડ અને પોલીસ પર પણ પથ્થરમારો કર્યો હતો. જેમાં ફાયરબ્રિગેડનો એક કર્મચારી ઘાયલ થયો હતો. ટોળાને વિખેરવા માટે પોલીસને ટીયરગેસના સેલ છોડવા પડ્યા હતા. access_time 4:00 am IST

  • પાકિસ્તાનમાં સુપ્રિમના જજ પર ફાયરિંગ નવાઝ શરીફને ચૂંટણી લડવા પર પ્રતિબંધ મૂકનાર જજ ઈજાજુલ અહસન પર સતત હુમલાઃ ઘર પર હુમલો કર્યા બાદ સવારે જજ પર ગોળીબારો થયાઃ જજ બચી ગયાના સમાચાર મળે છે access_time 11:30 am IST

  • કોંગ્રેસના રાષ્ટ્રીય અધ્યક્ષ રાહુલ ગાંધી સોમવારે ત્રણ દિવસની મુલાકાત માટે પોતાના સંસદીય વિસ્તાર અમેઠી પહોંચ્યા હતાં. રાહુલ ગાંધી અમેઠીના એક સ્કૂલના કાર્યક્રમમાં સંબોધન માટે પહોંચ્યા હતાં.રાહુલ ગાંધીને એક વિદ્યાર્થિનીએ પૂછ્યું કે દેશમાં જે નિયમ બને છે તેને ગ્રામીણ વિસ્તારોમાં સાચી રીતે શા માટે લાગુ પાડવામાં આવતાં નથી. જેના જવાબમાં રાહુલે તરત જ કહ્યું કે,’એ તમે મોદીજીને પૂછો. સરકાર મોદીજી ચલાવે છે. અમારી સરકાર નથી. જ્યારે અમારી સરકાર હશે ત્યારે અમે જવાબ આપીશું.’ access_time 3:59 am IST