Gujarati News

Gujarati News

News of Friday, 20th September 2019

૧૯૯૭માં ટ્રેનની સાંકળ ખેંચવાના પ્રકરણમાં સની દેઓલ-કરિશ્મા કપૂરની મુશ્કેલીમાં વધારો થવાની શક્યતા

નવી દિલ્હી: સની દેઓલ અને કરિશ્મા કપૂર વર્ષો પહેલા કરેલા એક અપરાધના કારણે મુશ્કેલીમાં મૂકાઈ શકે છે. 22 વર્ષ અગાઉ એક ફિલ્મના શૂટિંગના કારણે એક ટ્રેનની ચેન ખેંચવા માટે ગુરુદાસપુરથી ભાજપના સાંસદ સની દેઓલ અને કરિશ્મા કપૂર વિરુદ્ધ જયપુરમાં ગુનો દાખલ થયો છે. આ મામલો વર્ષ 1997નો છે. તે સમયે બંને પોતાની ફિલ્મ બજરંગના શૂટિંગ માટે જયપુરમાં હતાં. 22 વર્ષ જૂના આ મામલામાં હવે રેલવે કોર્ટે આ બંનેની સાથે ટીનુ વર્મા અને સતીષ શાહ ઉપર પણ આરોપ નક્કી કર્યા છે.

મળતી માહિતી મુજબ વર્ષ 1997માં ફિલ્મ બજરંગના શૂટિંગ દરમિયાન અપલિંક એક્સપ્રેસની ચેન પુલિંગ કરવાના કારણે ટ્રેન 25 મિનિટ લેટ રહી હતી. આ મામલે હવે આરોપ નક્કી કરાયા છે. સની દેઓલ આ અંગે જયપુર પણ પહોંચ્યા છે. રેલવે અધિનિયમ અંતર્ગત આ તમામ પર રેલવે એક્ટની કલમ 141 (બિનજરૂરી રીતે એક ટ્રેનમાં સંચાર સાધનો સાથે હસ્તક્ષેપ), કલમ 145 (નશો કરીને ઉપદ્રવ મચાવવો) કલમ 146( રેલવે કર્મચારીના કામમાં વિધ્ન નાખવું), અને કલમ 147 (અનાધિકૃત રીતે પ્રવેશ કરવો)ના ભંગના આરોપ છે.

1997માં સની દેઓલ અને કરિશ્મા કપૂરે પોતાની ફિલ્મના ક્રુ મેમ્બર્સ સાથે અજમેરની પાસે ફુલેરાના એક ગામ સાવરદામાં બજરંગનું શૂટિંગ કર્યું હતું.

(4:20 pm IST)
  • આગામી ૨૩ થી ૨૭ રાજકોટમાં રાજયકક્ષાનો રાસ - ગરબા મહોત્સવ : ૬૦૦ કલાકારો આવશે : રાજકોટમાં ૨૩ થી ૨૭ દરમિયાન પાંચ દિવસ રાજયકક્ષાનો રાસ ગરબા મહોત્સવ : રાજકોટના વિખ્યાત ગ્રુપો સહિત રાજયભરમાંથી વિખ્યાત ૬૦૦ કલાકારો - રાસમંડળીઓ ભાગ લેશે : ઉતારા અંગે કોર્પોરેશનને વ્યવસ્થા : કલેકટરના અધ્યક્ષપદે યુવક સેવાના અધિકારી - જીલ્લા શિક્ષણાધિકારી સાથે મહત્વની મીટીંગ યોજાઈ access_time 1:08 pm IST

  • અમેરિકા સાથે દ્વિપક્ષીય સંબંધોમાં નવી ઉર્જા મળશે : પીએમ મોદી અમેરિકા જવા રવાના : પીએમ મોદીએ આશા વ્યક્ત કરી કે તેઓના પ્રવાસથી ભારતને અવસરોની જીવંત ભૂમિ,એક ભરોસામંદ સહયોગી અને એક વૈશ્વિક નાયકના રૂપમાં રજૂ કરવામાં મદદ મળશે access_time 1:03 am IST

  • વિરામ બાદ ફરી રાજકોટમાં મેઘરાજાનું આગમનઃ સાંજે ૫ વાગ્યા સુધીમાં ૦ાા ઈંચ પડી ગયો શહેરના સદર બજાર, ત્રિકોણબાગ, શાસ્ત્રી મેદાન, રેસકોર્ષ, ૧૫૦ ફૂટ રીંગ રોડ, કાલાવડ રોડ, યાજ્ઞિક રોડ, યુનિવર્સિટી રોડ સહિતના વિસ્તારોમાં વરસાદ વરસી ગયોઃ અસહ્ય બફારા બાદ ઠંડક પ્રસરી : ફાયરબ્રિગેડમાં નોંધાયા મુજબ સાંજે ૫ વાગ્યા સુધીમાં સેન્ટ્રલ ઝોન એટલે કે મધ્ય રાજકોટમાં ૧૨ એમ.એમ., વેસ્ટ ઝોન એટલે કે નવા રાજકોટમાં ૧૦ એમ.એમ. અને ઈસ્ટ ઝોન એટલે કે સામાકાંઠે ૮ એમ.એમ. આ મુજબ વરસાદ નોંધાયેલ : આમ, સાંજે રાજકોટમાં હળવા - ભારે વરસાદી ઝાપટાથી ૫ વાગ્યા સુધીમાં અડધો ઈંચ વરસાદ થયાની નોંધ સત્તાવાર રીતે થઈ છે : વરસાદને કારણે ઠંડક પ્રસરતા લોકોને અસહ્ય બફારામાંથી રાહત મળી access_time 5:53 pm IST