Gujarati News

Gujarati News

News of Wednesday, 20th January 2021

સલમાન ખાને આપી ખુશખબર

ઇદના દિવસે સિનેમાઘરોમાં રિલીઝ થશે રાધે રાધે

નવી દિલ્હી તા. ૨૦ : બોલીવુડના ભાઈજાનના ફેન્સ જેનો લાંબા સમયથી રાહ જોઈ રહ્યાં હતા તે સમય હવે આવી ગયો છે. આખરે સુપરસ્ટાર સલમાન ખાન એ મૌન તોડ્યુ છે અને પોતાની આવનારી ફિલ્મ રાધેઃ યોર મોસ્ટ વોન્ટેડ ભાઈની રિલીઝ ડેટની જાહેરાત કરી દીધી છે. સલમાને સોશિયલ મીડિયા દ્વારા જાહેરાત કરી છે કે આ ફિલ્મ આ વર્ષે ઈદ પર રિલીઝ થશે.

સલમાને રાધે સાથે સંબંધિત જાણકારી શેર કરતા લખ્યુ, 'સોરી બધા થિએટર માલિકોની વિનંતી પર જવાબ આપવામાં મને આટલો સમય લાગી ગયો. તે સમયે આટલો મોટો નિર્ણય લેવો મુશ્કેલ હતો. હું થિયેટર માલિકો અને એકઝીબીટરોની ખરાબ સ્થિતિ સમજી શકુ છે, તેથી મેં નક્કી કર્યું છે કે રાધે ફિલ્મ થિયેટરમાં જ રિલીઝ થશે.'

તેણે આગળ લખ્યુ, 'હું તેમને વિનંતી કરીશ કે જે પણ દર્શક આ ફિલ્મ જોવા સિનેમાહોલમાં આવે તેની સુરક્ષાની તમામ વ્યવસ્થા કરવામાં આવે. મારૂ કમિટમેન્ટ ઈદનું છે અને આ ફિલ્મ ઇંશાઅલ્લાહ ૨૦૨૧ના ઈદ પર રિલીઝ થશે. ઉપર વાળાની ઈચ્છા હશે તો આ વર્ષે રાધેને થિયેટરમાં જોવાનો આનંદ ઉઠાવીશું.'

સલમાન ખાનની ફિલ્મ થિયેટરમાં રિલીઝ થવાનો મતલબ છે કે દર્શકોએ ફિલ્મ જોવા સિનેમાઘરોમાં પહોંચવું પડશે. આશા છે કે ઈદ સુધી સ્થિતિ સુધરી જશે અને એક વર્ષથી ઘરમાં બેસેલા ફિલ્મ પ્રેમીઓને આ વખતે બહાર જઈ કંઈક ધમાકો જોવાની તક મળશે. આ વર્ષે ઈદ ૧૯ કે ૨૦ જુલાઈએ આવવાની છે.

(10:19 am IST)
  • સમાજની સારી સુખાકારી માટે કોઈપણ આંદોલન લાંબો સમય ચાલે તે હિતકારી નથી: આરએસએસના જનરલ સેક્રેટરી સુરેશ ભૈયાજીએ ભારપૂર્વક કહ્યું છે access_time 11:47 am IST

  • આજે પ્રથમ દિવસે નવા પ્રમુખ શું કરશે? : ટ્રમ્પ દ્વારા લાદવામાં આવેલ ‘મુસ્લિમ ટ્રાવેલ બાન’ અને સરહદી દિવાલના ચણતરનો જા બાયડન ચાર્જ સંભાળતા વેત પ્રથમ દિવસે અંત લાવે તેવી સંભાવના access_time 5:09 pm IST

  • દેશમાં કોરોના હાંફી ગયો :નવા કેસ કરતા સ્વસ્થ થનારની સંખ્યામાં વધારો : એક્ટિવ કેસના આંકમાં સતત ઘટાડો : રાત્રે 11-30 વાગ્યા સુધીમાં કોરોનાના નવા 13,566 કેસ નોંધાયા :કુલ કેસની સંખ્યા 1,05,96,228 થઇ :એક્ટિવ કેસ 1,94,247 થયા: વધુ 16,976 દર્દીઓ સ્વસ્થ થતા કુલ 1,02,44,839 થયા :વધુ 154 લોકોના મોત સાથે કુલ મૃત્યુઆંક 1,52,747 થયા access_time 1:03 am IST