Gujarati News

Gujarati News

News of Tuesday, 18th June 2019

સુષ્મિતાના ભાઈ રાજીવ સેને ટીવી સ્ટાર ચારુ સાથે લીધા સાત ફેરા..

મુંબઇ:  અભિનેત્રી સુસ્મિતા સેનના ભાઇ રાજીવ સેને પોતાની ગર્લફ્રેન્ડ ટીવી સ્ટાર ચારુ અસોપા સાથે બીજીવાર લગ્ન કર્યાં હતાં. આ વાંચીને ચોંકવા જેવું નથી.વાત એવી છે કે પહેલાં આ બંનેએ કોર્ટ મેરેજ કર્યાં હતાં. ત્યારબાદ બંનેએ હિન્દુ વિધિ પ્રમાણે શાસ્ત્રોક્ત લગ્ન કર્યાં. નવવિવાહિત દંપતીએ બંનેએ પોતપોતાના ઇન્સ્ટાગ્રામ હેન્ડલ પર આ લગ્નનાં ફોટોગ્રાફ્સ શૅંર કર્યા જેને ચાહકો અને  મિત્રો-શુભેચ્છકોએ ખૂબ બિરદાવ્યા. આ પ્રસંગે સુસ્મિતા પોતાની બંને દત્તક પુત્રીઓ અને બૉયફ્રેન્ડ રોહમન શૉલ નવદંપતીની બાજુમાં બેઠેલાં હોય એવા ફોટોગ્રાફ્સ પણ લોકોએ બિરદાવ્યા હતા. આ ફોટોગ્રાફ્સમાં સુસ્મિતાની બંને પુત્રીઓ રેને અને આલિશા પણ પોઝ આપી રહી હોય એ સ્પષ્ટ દેખાતું હતું.લગ્ન કર્યાં અગાઉ બંનેએ હલદી (પીઠી ) ચોળવાના ફોટોગ્રાફ્સ પણ ચારુની બહેન ચિંતન અસોપાએ સોશ્યલ મિડિયા પર શૅર કર્યા હતા. છેલ્લા થોડા સમયથી બંને વચ્ચે અફેર ચાલી રહ્યો હતો. 

(5:40 pm IST)
  • વાવાઝોડાનો ભય ટળતા કંડલા સહિત સૌરાષ્ટ્ર-કચ્છના બંદરો ઉપરથી ભયજનક સિગ્નલ દૂર કરાયા : વાયુ વાવાઝોડાનો ખતરો ટળ્યો છે અને પવન પણ મંદ પડયો છે ત્યારે કચ્છના કંડલા, મુંદ્રા સહિત સૌરાષ્ટ્રના દરીયા કિનારા ઉપર ભયજનક સિગ્નલ દૂર કરી દેવામાં આવ્યુ છે અને તમામ કામગીરી પૂર્વવત થઈ રહી છે access_time 1:36 pm IST

  • સુરતમાં હોટલના માલીકની મોટી બેદરકારીના કારણે બે કર્મચારીના મોતઃ હોટલની અગાસી ઉપર બનાવેલા રૂમ પરથી નીચે ઉતરતા સમયે ચાર કર્મચારીઓને કરંટ લાગ્યોઃ બે કર્મચારીના મોતઃ એકની હાલત ગંભીર, સારવાર માટે હોસ્પિટલ માટે ખસેડયા access_time 11:28 am IST

  • વહેલી સવારે ૩.૪૯ કલાકેઃ આંદામાન-નિકોબાર ટાપુઓમાં ૪.૯ રીકટર સ્કેલના જોરદાર આંચકાઃ કેન્દ્ર આંદામાન ટાપુઓઃ અહીં અવારનવાર ભૂકંપના ઝાટકા આવતા રહે છેઃ લોકો ભર નિંદરમાં હતા ત્યારે વહેલી સવારે આંચકા આવતા બેબાકળા બની ભાગવા લાગેલ, કોઈ જાનહાની નથીઃ આ પહેલા નિકોબાર ટાપુઓમાં ૪.૭ રીકટર સ્કેલના આંચકા આવેલ access_time 11:28 am IST