Gujarati News

Gujarati News

News of Tuesday, 18th June 2019

જાણીતી ટીવી અભિનેત્રી શ્રિતી ઝાનું બોયફ્રેન્ડ કૃણાલ કરણ કપૂર સાથે બ્રેકઅપ

મુંબઈ : ટીવીની દુનિયાની જાણીતી એક્ટ્રેસ શ્રિતી ઝાએ એકતા કપૂરના લોકપ્રિય શો કુમકુમ ભાગ્યથી કરોડો લોકોના દિલ જીતી લીધા છે. તે  સિરિયલમાં તે પ્રજ્ઞાનો રોલ ભજવી રહી છે. શો ક્યારેય ટીઆરપી લિસ્ટમાંથી બહાર નથી થયો. શબ્બીર અહલુવાલિયા અને શ્રિતીની કેમિસ્ટ્રી બધાને પસંદ પડી રહી છે.

શ્રિતી વિશે આવેલા લેટેસ્ટ સમાચાર પ્રમાણે તેનું શ્રિતીનું બોયફ્રેન્ડ કુણાલ કરણ કપૂર સાથે બ્રેકઅપ થઈ ગયું છે. એન્ટરટેઇનમેન્ટ પોર્ટલના રિપોર્ટ પ્રમાણે શ્રિતી અને કુણાલ વચ્ચે બધુ સામાન્ય નથી અને બંનેએ અલગ પડી જવાનો નિર્ણય લઈ લીધો છે. તેઓ બહુ જલ્દી અલગ થઈ ગયા છે. તેમના માટે નિર્ણય સરળ નથી પણ મામલાની ગંભીરતા જોઈને તેમને નિર્ણય યોગ્ય લાગે છે. રિપોર્ટ પ્રમાણે શ્રિતી અને કરણ બંનેએ બ્રેકઅપ વિશે કોઈ સ્પષ્ટતા નથી કરી.

શ્રિતી અને કુણાલ એકબીજાને લાંબા સમયથી ડેટ કરી રહ્યા હતા પણ અચાનક તેમની વચ્ચે અંતર આવી ગયું છે. ગયા વર્ષે શ્રિતીએ કુણાલના જન્મદિવસ પર ઇમોશનલ પોસ્ટ લખી હતી અને વાંચીને બધાને લાગતું હતું કે જોડી લગ્નના મંડપ સુધી પહોંચશે. 2017માં કુણાલ અને શ્રિતી રજાઓ ગાળવા માટે થાઇલેન્ડ ગયા હતા અને તે સમયની તસવીરો પણ વાઇરલ થઈ હતી.

(5:21 pm IST)
  • સંસદમાં કોંગી નેતાપદે ચૌધરી : લોકસભામાં કોંગ્રેસ પક્ષના નેતા તરીકે અધીર રંજન ચૌધરીનું નામ કોંગ્રેસે જાહેર કર્યુ access_time 4:03 pm IST

  • ટીવી ચેનલોને સરકારની તાકીદ : મોદી સરકારે તમામ ટીવી ચેનલોને ટીવી ઉપર રીયાલીટી શો અને કાર્યક્રમોમાં બાળકોને અયોગ્ય, અજુગતા અને સજેસ્ટીવ સ્વરૂપે નહિં બતાવવા આદેશ આપ્યા છે access_time 4:03 pm IST

  • સૌરાષ્ટ્ર-કચ્છ-ગુજરાતમાં ચારેકોર વરસાદના વાવડ : રાજકોટ-ગીરજંગલ-ભાવનગર સહિત સૌરાષ્ટ્રમાં ઠેર-ઠેર વરસાદ પડી રહયાનું -સવારે પડી ગયાનું જાણવા મળે છે. ઉ.ગુજરાતમાં અને કચ્છમાં પણ સારા વરસાદના વાવડ છે. બનાસકાંઠા જીલ્લાના કેટલાક વિસ્તારોમાં વરસાદ પડી રહયો છે. : પાલનપુર, ડીસા, ધાનેરા, દાંતીવાડામાં વરસાદ વાપી અને આસપાસના વિસ્તારોમાં વરસાદ અમરેલી જીલ્લાના ગ્રામ્ય વિસ્તારોમાં વરસાદ રાજુલા જુની માંડરડી આગરીયા, કોટડી, ધારેશ્વરમાં વરસાદ જાફરાબાદના લોર, પીછડી, એભલવડ, માણસામાં વરસાદ : લાઠીમાં પણ ધીમીધારે વરસાદ પાટણમાં પણ વાતાવરણમાં પલટો access_time 1:05 pm IST