Gujarati News

Gujarati News

News of Thursday, 11th October 2018

અભિનેત્રી પ્રિટી ઝિન્‍ટાઅે પૂર્વ પ્રેમી નેસ વાડિયા વિરૂદ્ધ કરેલા છેડતીના કેસને બોમ્બે હાઇકોર્ટે રદ્દ કરી દીધો

મુંબઇઃ એક્ટ્રેસ પ્રિટી ઝિંટાએ એક્સ બોયફ્રેન્ડ નેસ વાડિયા વિરુદ્ધ કરેલા છેડતીના કેસને બોમ્બે હાઈકોર્ટે બુધવારે રદ કરી દીધો હતો. ઓગસ્ટમાં નેસ વાડિયાએ કેસ રદ કરવાની યાચિકા કોર્ટમાં કરી હતી. પ્રિટી ઝિંટા પાસે અંગે જવાબ માંગવામાં આવ્યો હતો. કોર્ટે બંને પક્ષને અંદર અંદર સમજૂતી કરી લેવાની સલાહ આપી હતી.

પ્રિટીએ લગાવ્યો હતો આરોપઃ

એક્ટ્રેસ પ્રિટી ઝિંટાએ 2014માં નેસ વાડિયા વિરૂદ્ધ પોલીસમાં ફરિયાદ કરી હતી. તેમાં આઈપીએલ મેચ દરમિયાન તેની સાથે છેડછાડ કરવાનો અને ધમકાવાનો આરોપ લગાવ્યો હતો. પ્રિટીનો આરોપ હતો કે 30 મે 2014ના રોજ કિંગ્સ ઈલેવન પંજાબ અને ચેન્નાઈ સુપર કિંગ્સ વચ્ચે મુંબઈના વાનખએડે સ્ટેડિયમમાં રમાનારી IPL મેચ દરમિયાન નેસે તેની સાથે છેડછાડ અને ખરાબ વ્યવહાર કર્યો હતો. પ્રિટીની ફરિયાદ હતી કે નેસે બધા વચ્ચે તેનો હાથ પકડીને તેની સાથે દુરવ્યવહાર કર્યો હતો અને ગાળાગાળી પણ કરી હતી. નેસે પોતાની પહોંચની ધમકી આપીને એક્ટ્રેસને ગાયબ કરી દેવાની ધમકી પણ આપી હતી.

બ્રેકઅપ બાદ પણ હેરાનગતિઃ

પ્રિટીએ ફરિયાદમાં આરોપ લગાવ્યો હતો કે બ્રેક અપ બાદ પણ નેસ તેને અનેક વાર હેરાન કરતો હતો. અંગે બંને વચ્ચે બોલાચાલી થઈ હતી. નેસ ગાળાગાળીની ભાષામાં વાત કરતો હતો. જો કે નેસે બધા આરોપ ખોટા હોવાનું જણાવ્યું હતું.

(5:53 pm IST)
  • જૂનાગઢ-વંથલીના બરવાળા નવલખી રોડ પરથી પોલીસે રેતી ભરેલ ઓવરલોડેડ નવ ડંપર ઝડપી પાડયા :તમામને મેમો ફટકાયોઁ access_time 11:16 pm IST

  • તિતલી વાવાઝોડું વિકરાળ બન્યું:સવારે ૫ વાગે ત્રાટકશે:ઓડિસાના ૩ લાખ લોકોને સલામત સ્થળોએ ખસેડયા:ઓડિસા અને આંધ્ર ઉપર ૧૬૫ કિ.મી. સ્પીડ પકડશે:અત્યારે ૧૪૦-૧૫૦ કિ.મી.ની ઝડપ છે.:૧૧ અને ૧૨ મીએ તમામ સ્કુલ કોલેજો બંધ:જાહેર કરતા નવીન પટનાયક: પરીક્ષાઓ રદ્દ કરાઈ access_time 1:14 am IST

  • ૩૧મીએ ઓકટોબરે વડાપ્રધાન નરેન્દ્રભાઈ મોદીના હસ્તે સ્ટેચ્યુ ઓફ યુનિટી સરદાર પટેલની પ્રતિમાનુ લોકાર્પણઃ ૧૮૨ મીટર પ્રતિમાના ઢંકાઈ તેમ ન હોવાથી એક પ્રતિકૃતિનું લોકાર્પણ કરશેઃ જાહેરસભા સંબોધશે access_time 5:08 pm IST