Gujarati News

Gujarati News

News of Saturday, 8th June 2019

સ્વ.શ્રીદેવીની ઓન સ્ક્રીન પુત્રીએ કરી સગાઈ.....

મુંબઇ:  મોખરાની અભિનેત્રી શ્રીદેવીની ફિલ્મ મોમમાં શ્રીદેવીની પુત્રીની ભૂમિકા ભજવનારી પાકિસ્તાની અભિનેત્રી સજલે પોતાના સહકલાકાર અહદ રઝા મીર સાથે સગપણ કર્યું હોવાના અહેવાલ મળ્યા હતા.શ્રીદેવી સાથે ઇમોશનલ એટેચમેન્ટથી જોડાયેલી આ અભિનેત્રી મોમના શૂટિંગ માટે ભારત આવી ત્યારે એની માતાના અવસાનનો આઘાત એના દિલોદિમાગ પર છવાયેલો હતો. શ્રીદેવીએ એને માતા જેવો પ્રેમ આપીને એને પોતાની કરી લીધી હતી. ફિલ્મ પૂરી થઇ ત્યારે સજલ પાકિસ્તાન પાછી જવા પહેલાં ખૂબ રડી હતી અને એ શ્રીદેવીને છોડીને જવા તૈયાર નહોતી. માંડ માંડ સમજાવીને એને પાછી મોકલી હતી. આમેય એના કલાકાર તરીકેના વીઝા પૂરા થવા આવ્યા હતા.શ્રીદેવીના દૂબઇમાં થયેલા અકાળ અવસાન પછી સજલ માનસિક રીતે ભાંગી પડી હોવાની વાતો વહેતી થઇ હતી. હવે એ પહેલાં કરતાં સ્વસ્થ છે અને એણે સહઅભિનેતા અહદ રઝા મીર સાથે સગપણ કર્યું હોવાના સમાચાર મળ્યા હતા. ખુદ સજલે સોશ્યલ મિડિયા પર પોતાની સગાઇની જાહેરાત કરી હતી. આ બંને કલાકારોએ પાકિસ્તાની ટીવી સિરિયલ આંગન અને યકીનમાં સાથે કામ કર્યું હતું. એ દરમિયાન બંને એકમેકની નિકટ આવી ગયાં હતાં. બોની કપૂર અને એનાં સંતાનોએ સજલન મુબારકબાદ પાઠવ્યા હતા. 

(5:58 pm IST)
  • નવજોત નારાજ : પ્રિયંકા - અહેમદ પટેલને મળશે પંજાબ કેબીનેટમાં મુખ્યમંત્રી અમરીન્દરસિંઘે જે સ્થાન આપ્યુ તેનાથી નારાજ નવજોતસિંઘ સિદ્ધુ તુરતમાં કોંગી દિગ્ગજ અહેમદભાઈ પટેલ અને પ્રિયંકા ગાંધીને મળશે તેમ જાણવા મળે છે access_time 5:46 pm IST

  • ગુજરાત હાઇકોર્ટ એડવોકેટ્સ એસો.ની સોમવારે અસાધારણ જનરલ મીટીંગ : રાજકોટઃ ગુજરાત હાઇકોર્ટ બાર એસોસીએશનની એકસ્ટ્રાઓર્ડીનરી જનરલ મીટીંગ સોમવારે બપોરે ૧.૫૦ વાગે અમદાવાદ ખાતે બોલાવવામાં આવી છે. જસ્ટીસ અકિલ કુરેશીની મધ્યપ્રદેશના ચીફ જસ્ટીસ તરીકે નિમણુંકને કેન્દ્ર સરકાર દ્વારા હજુ સુધી કલીયર નહિ કરવાની બાબત ચર્ચામાં લેવામાં આવશે access_time 3:37 pm IST

  • સ્કુલ બિલ્ડીંગમાં ભીષણ આગ : શાળા સંચાલકની પત્નિ અને બાળકોના મોત હરિયાણાના ફરીદાબાદ ખાતે ડબુઆ કોલોનીમાં એક પ્રાઈવેટ સ્કુલમાં આજે સવારે ભીષણ આગ ફાટી નીકળતા સ્કુલની ઉપર રહેતા સ્કુલના સંચાલક પરિવારનો ભોગ લેવાયો છે : આ સ્કુલ સંચાલકના બે સંતાનો અને પત્નિ જીવતા સળગી ગયા છે access_time 5:46 pm IST