Gujarati News

Gujarati News

News of Friday, 7th December 2018

ફિલ્મ 'પંગા' માટે કંગનાએ કબડ્ડીની ટ્રેનિંગ લેવાની કરી શરૂ

મુંબઇ :  મોખરાની અભિનેત્રી કંગના રનૌતે પોતાની આગામી ફિલ્મ અશ્વિની તિવારી આયરની પંગાના પાત્રને યોગ્ય ન્યાય આપવા તાલીમ શરૃ કરી દીધી હોવાની માહિતી મળી હતી.કંગના એક તરફ પોતાની પોસ્ટ પ્રોડક્શન તબક્કામાં રહેલી ફિલ્મ મણીકર્ણિકાના એડિટિંગમાં ધ્યાન આપી રહી છે તો બીજી બાજુ એ પંગાની તૈયારીમાં વ્યસ્ત થઇ ગઇ છે. આ ફિલ્મમાં એ એક મહિલા કબડ્ડી ખેલાડીની ભૂમિકામાં છે.મણીકર્ણિકા માટે એણે ઘોડેસવારી અને તલવારબાજીની તાલીમ લીધી હતી તેમ અત્યારે કબડ્ડીની રમતની તાલીમ લઇ રહી છે એેમ પંગા ફિલ્મ સાથે સંકળાયેલા એક યુનિટમેમ્બરે કહ્યું હતું.આ ફિલ્મમાં એની સાથે રિચા ચડ્ડા પણ ચમકી રહી છે. અશ્વિની તિવારી આયરે પોતાની આ ફિલ્મના પહેલા શિડયુલનું શૂટિંગ ભોપાલમાં પૂુરું કર્યા બાદ કંગનાને બે માસ તાલીમ લેવાની સૂચના આપી હતી જેથી કંગના પોતાના પાત્રને વ્યવસ્થિત રીતે રજૂ કરી શકે. ચાલુ માસની પંદરમી સુધીમાં ભોપાલ શિડયુલ પૂરું થઇ જતાં અશ્વિની પોતાની ટીમ સાથે મુંબઇ પાછી ફરશે અને અહીં પોતાની મહિલા કલાકારોને કબડ્ડીની તાલીમ મળે એવી વ્યવસ્થા કરશે એમ આ યુનિટ મેમબરે વધુમાં કહ્યું હતું.કલાકારોની તાલીમ પૂરી થયા બાદ લગભગ ૨૦૧૯ના ફેબુ્રઆરીમાં શૂટિંગનું બીજું શિડયુલ શરૃ કરવાની અશ્વિનીની યોજના છે. નિખિલ મલ્હોત્રા અને  અશ્વિનીએ આ ફિલ્મની સ્ક્રીપ્ટ તૈયાર કરી છે. ૨૦૧૯ના ઉત્તરાર્ધમાં ફિલ્મ રજૂ કરવાની એમની યોજના છે.

(4:14 pm IST)
  • અમરેલી જિલ્લાના બગસરાના સુડાવડ ગામની સીમમાંથી બાળકને ઉઠાવી જનાર દીપડાએ બળદનો શિકાર કર્યો છેચાર દિવસ વીત્યા બાદ હજુ બાળકના અવશેષો પણ વનવિભાગને હાથ લાગ્યા નથી......વનવિભાગે દીપડાને પકડવા પાંજરું મૂક્યું હોવા છતાં દીપડો વનવિભાગને આપી રહ્યો છે ખો.....બાળક બાદ બળદનો શિકાર થતા ફરી વનવિભાગે સક્રિય થયું છે જ્યારેદીપડાના ખોંફથી ખેડૂતોમાં ફફડાટ વ્યાપી ગયો છે access_time 3:57 pm IST

  • ગીરસોમનાથ :તાલાલાના બોરવાવ ગામે પીતાની નજર સામે 8 વર્ષના પૂત્ર પર દિપડાએ કર્યો હુમલો:પિતાએ દીપડાનો પીછો કરતા ઇજાગ્રસ્ત પૂત્રને છોડી દીપડો નાસી છુટ્યો :વનવીભાગે બે પીંજરા મૂકતા હુમલાખોર દીપડો ઝડપાયો access_time 3:30 pm IST

  • રોબર્ટ વાડ્રા વિરુદ્ધ બદલાની ભાવનાથી કામ કરી રહી છે મોદી સરકાર :વાડ્રા વિરુદ્ધ ઇડીની કાર્યવાહીથી કોંગ્રેસ ગિન્નાઈ :વિધાનસભાની ચૂંટણીમાં હાર ભાળી જવાથી હતાશ થઈને ઇડીના દરોડા પાડયા :કોંગ્રેસ પ્રવક્તા રણદીપ સુરજેવાલાએ કહ્યું કે બદલો લેવા જુના હથિયારોનો સહારો લઈને લોકોનું ધ્યાન ભટકવા પ્રયાસ કર્યો :આ પ્રકારની કાયરતા અને ધમકીભરી કાર્યવાહીથી કોંગ્રેસ અને તેના લોકો ઝુકવાના નથી access_time 1:01 am IST