Gujarati News

ટીવી સિરીયલો અને ફિલ્મોમાં કામ કરતો સમીર સોની ફરી એક વાર ફિલ્મમાં જોવા મળશે. શાહિદ કપૂર સાથે તેને એક રોલ મળ્યો છે. છેલ્લે આ બંને સ્ટાર ફિલ્મ વિવાહમાં સાથે દેખાયા હતાં. હવે શાહિદ-શ્રધ્ધાની ફિલ્મ 'બત્તી ગુલ મીટર ચાલુ'માં સમીરને કામ મળ્યું છે. આ ફિલ્મમાં સમીર સોની એક વેપારીના રોલમાં છે. સમીરે કહ્યું હતું કે આ ફિલ્મમાં મને મહત્વનો રોલ મળ્યો છે. આ ફિલ્મની કહાની એવા વ્યકિત પર આધારીત છે લાઇટ બીલ ન ભરી શકતાં લાઇટ કપાઇ જવાને કારણે આત્મહત્યા કરી લે છે. ફિલ્મમાં શાહિદ, શ્રધ્ધા, સમીર ઉપરાંત યામી ગોૈતમ પણ ખાસ રોલમાં છે. સમીર આ ઉપરાંત ટાઇગર-અનન્યાની સ્ટુડન્ડ ઓફ ધ યર-૨માં પણ કામ કરી રહ્યો છે. ઉપરાંત એક વેબ સિરીઝ પણ તેની પાસે છે.