Gujarati News

 ‘બાગી'ની સીક્વલની સુપર સક્સેસ બાદ ચોક્કસ જ ફિલ્મ ઇન્ડસ્ટ્રીમાં ટાઇગર શ્રોફની ડિમાન્ડ ખૂબ જ વધી ગઈ છે. તેણે કરણ જોહરની ‘સ્ટુડન્ટ ઓફ ધ યર'ની સીક્વલ માટે શૂટિંગ શરૂ કર્યું છે ત્યારે એની સાથે જ તેણે એક્શન ફ્રેન્ચાઇઝી ‘બાગી'ના ત્રીજા પાર્ટ માટે ડિરેક્ટર અહેમદ ખાનની સાથે વિચારવિમર્શ શરૂ કર્યો છે. હવે સંજય લીલા ભણસાળી તેમના દ્વારા ડિરેક્ટ કરવામાં આવનારી આગામી ફિલ્મમાં ટાઇગરને કાસ્ટ કરવા માગે છે. એનાથી વધારે એક્સાઇટિંગ બાબત એ છે કે, આ ફિલ્મ અમીષ ત્રિપાઠીના આગામી પુસ્તક પર આધારિત છે.

આ મૂવી અમિષ ત્રિપાઠીની આગામી બુક પર આધારિત રહેશે.

અટકળોથી વિપરીત એ બુક ‘ધ ઇમોર્ટલ ઓફ મેલુહા' નહીં પણ લગભગ એ જ પ્રકારની છે. એ બુકનું હજી વિમોચન થયું નથી અને ફિલ્મની રિલીઝની આસપાસ જ કદાચ એનું વિમોચન કરવામાં આવશે. ભણસાળી અને ટાઇગર વચ્ચે આ બાબતે અનેક મીટિંગ્ઝ થઈ ચૂકી છે અને તેઓ બંને અમીષની સાથે હાથ મીલાવવા માટે આતુર છે. આ ફિલ્મમાં ફિક્શન, માયથોલોજી અને એડ્વેન્ચરનું કોમ્બિનેશન રહેશે.