Gujarati News

Gujarati News

News of Saturday, 3rd February 2018

'વેલકમ ટુ ન્યુયોર્ક'માં ગુજરાતી યુવતી બનશે સોનાક્ષી સિંહા

નવી દિલ્હી:સોનાક્ષી સિંહા એની પહેલી ફિલ્મમાં ગામડાની ગોરીના પાત્રમાં જોવા મળી હતી. તે મોર્ડન કે પરંપરાગત જેવા દરેક પ્રકારના પાત્રને ન્યાય આપવા માટે જાણીતી છે. હવે તે આગામી ફિલ્મમાં ગુજરાતી યુવતીના પાત્રમાં જોવા મળશે. ટુક સમયમાં રિલિઝ થનારી 'વેલકમ ટૂ ન્યુયોર્ક' ફિલ્મમાં સોનાક્ષી ગુજરાતી ફેશન ડિઝાઇનર જીનલ પટેલના પાત્રમાં જોવા મળશે. હાલ તો સોનાક્ષીના લૂકની ભારોભાર પ્રશંસા થઇ રહી છે. સોનાક્ષીએ એક ઇન્ટરવ્યુમાં જણાવ્યું કે તે એની સ્ટાઇલિસ્ટ અને ડિઝાઇનરથી ખુબ જ ખુશ છે. ફિલ્મમાં એનું પાત્ર પણ ફેશન ડિઝાઇનર ક્ષેત્રમાં કારકિર્દી ઘડવાની મહત્વકાક્ષા રાખનાર તેમજ ફેશનને લઇને અલગ વિચારધારા ધરાવતું યુવતીનું છે. એના પણ અનુરુપ એની સ્ટાઇલ નક્કી કરવામાં આવી  હોવાથી તે ખુબ જ ખુશ છે. આ ફિલ્મ એક કોમેડી ડ્રામા છે. જેમાં લારા દત્તા, કરણ જોહર, બમન ઈરાની જેવા કલાકારો જોવા મળશે.

(4:56 pm IST)
  • 24 કલાકમાં 6 એન્કાઉન્ટર : કાસગંજ હિંસા બાદ યુપીના સીએમ યોગી આદિત્યનાથે કહ્યું હતું કે કોઇપણ પ્રકારના અરજકતા ફેલાવનાર તત્વોને સહન કરવામાં આવશે નહીં. જે બાદ 24 કલાકમાં યુપી પોલીસે લખનઉ, ગોરખપુર, મુઝફ્ફરનગર, નોએડા, મેરઠ અને કન્નોજમાં એન્કાઉન્ટર કર્યાં. શનિવારે લખનઉમાં પોલીસ અને બાવરિયા ગેંગ વચ્ચે એન્કાઉન્ટર થયું હતું. જેમાં 4 ડાકૂની ધરપકડ કરવામાં આવી છે. access_time 1:42 pm IST

  • અમદાવાદઃસાયબર ક્રાઈમ બ્રાન્ચે કોલ સેન્ટર ઝડપ્યું: મીરઝાપુર વિસ્તારમાંથી સાયબર ક્રાઈમ બ્રાન્ચે કોલ સેન્ટર ઝડપ્યુ : ૪ની ધરપકડ : લોન આપવાનું જણાવી વેરીફીકેશનના નામે પૈસા ખંખેરતા હતા : ૪ વાહનો, ૪ કોમ્પ્યુટર સહિત અઢી લાખનો મુદ્દામાલ જપ્ત access_time 3:33 pm IST

  • પદ્માવત ફિલ્મ ગુજરાતમાં રિલીઝ ન થતા લોકોમાં નારાજગી જોવા મળી રહી છે ત્યારે પોતાના મતવિસ્તારની મુલાકાતે આવેલા ભાજપ સાંસદ પરેશ રાવલે જણાવ્યુ હતું કે કોઇપણ ફિલ્મ પર પ્રતિબંધ ન મૂકાવો જોઇએ. કોઇ સમાજની લાગણી દુભાઇ હોય તો તે સમાજના અગ્રણીઓ અને ફિલ્મ નિર્માતાએ સાથે બેસીને ચર્ચા કરવી જોઇએ અને શાંતિથી કોઇપણ વિવાદનું નિરાકરણ કાઢવું જોઈએ. access_time 2:37 pm IST