Gujarati News

Gujarati News

News of Saturday, 3rd February 2018

અનુષ્કા શર્માની હોરર ફિલ્મ 'પરી'નું ટીઝર લોન્ચ

મુંબઇ: અભિનેત્રી કમ ફિલ્મ સર્જક અનુષ્કા શર્માની આગામી ફિલ્મ પરીનું ટીઝર શુક્રવારે રિલિઝ કરાયું હતું. ફિલ્મ સર્જકો આ ફિલ્મને સ્ક્રીમર (ચીસ પડાવી દેનારી ) ફિલ્મ તરીકે ઓળખાવવાનું પસંદ કરે છે. આ એક હોરર ફિલ્મ છે અને ટીઝરમાં અનુષ્કાના ચહેરા પર ઊઝરડા અને લોહીની ટશરો ફૂટેલી દેખાય છે. એને લઇને એનો ચહેરો બિહામણો થઇ ગયેલો જણાય છે. ટીઝરમાં ત્રીસ સેકંડની વિડિયો ક્લીપ ઇન્ટરનેટ પર મૂકવામાં આવી હતી. અનુષ્કાના હાથમાં બેડી છે, પગમાં સાંકળ છે જાણે એ કોઇ રીઢી ગુનેગાર હોય. ચહેરા ઉપરાંત હાથ-પગમાં પણ ઊઝરડા પડેલા દેખાય છે. એના ચહેરાની પાછળ એક ટેલિવિઝન સેટ નજરે પડે છે. આ ફિલ્મ અનુષ્કાની ક્લીન સ્લેટ ફિલ્મ કંપનીની ત્રીજી ફિલ્મ છે. અગાઉ એ એનએચ ૧૦ અને ફિલ્લૌરી ફિલ્મ બનાવી ચૂકી છે. બંને ફિલ્મો બોક્સ ઑફિસ પર મધ્યમ સફળતાને વરી હતી. 

(4:53 pm IST)
  • ગયા વર્ષે યોજાયેલી ગોવામાં વિધાનસભા ચૂંટણીઓ દરમિયાન દિલ્હી મુખ્યમંત્રી અરવિંદ કેજરીવાલની લાંચ સંબંધીત ટિપ્પણીના આક્ષેપો અંગેના કેસમાં તેમના વિરુદ્ધ નોંધાયેલ મામલામાં નોટિસ ફટકારાઇ છે. 8 ફેબ્રુઆરીના રોજ આ બાબત પરની આગામી સુનાવણી થશે. કેજરીવાલે જાહેરમાં મતદારોને ગોવા ચૂંટણીઓ દરમિયાન વિપક્ષી દળો દ્વારા મતદાનના બદલામાં આપવામાં આવતી કથીત લાંચ લઈ લેવાની અપીલ કરી હતી. access_time 12:59 am IST

  • ઉત્તર-પશ્ચિમ પાકિસ્તાનના સ્વાત જિલ્લામાં લશ્કરી ચેકપૉઇન્ટમાં એક ભયંકર આત્મઘાતી હુમલામાં ઓછામાં ઓછા 11 પાકિસ્તાની સૈનિકો માર્યા ગયા છે અને 13 લોકો ઘાયલ થયા છે : આ હુમલાની જવાબદારી તેહરિક-એ-તાલીબાન આતંકી સંગઠને લીધી છે. access_time 1:19 am IST

  • પદ્માવત ફિલ્મ ગુજરાતમાં રિલીઝ ન થતા લોકોમાં નારાજગી જોવા મળી રહી છે ત્યારે પોતાના મતવિસ્તારની મુલાકાતે આવેલા ભાજપ સાંસદ પરેશ રાવલે જણાવ્યુ હતું કે કોઇપણ ફિલ્મ પર પ્રતિબંધ ન મૂકાવો જોઇએ. કોઇ સમાજની લાગણી દુભાઇ હોય તો તે સમાજના અગ્રણીઓ અને ફિલ્મ નિર્માતાએ સાથે બેસીને ચર્ચા કરવી જોઇએ અને શાંતિથી કોઇપણ વિવાદનું નિરાકરણ કાઢવું જોઈએ. access_time 2:37 pm IST