Gujarati News

રાકેશ ઓમપ્રકાશ મહેરાની ફિલ્મ 'મેરે પ્યારે પ્રાઇમ મિનિસ્ટર'ની રિલીઝ તારીખ નક્કી થઇ ગઇ છે. આ ફિલ્મ ૧૪મી ડિસેમ્બરે સિનેમાઘરોમાં આવશે. પહેલા બીજી ઓકટોબર નક્કી થઇ હતી. પણ હવે ફેરફાર થયો છે. મહેરા કહે છે હજુ ઘણો સમય છે. આ ફિલ્મ ગાંધીજીથી પ્રેરિત હોવાનું કહેવાય છે. પછાત વિસ્તારમાં રહેતાં એક એવા છોકરાની કહાની આ ફિલ્મમાં છે જે તેની માતા સાથે શોૈચાલય બનાવવા ઇચ્છે છે. ફિલ્મ ચાર બાળકો, ઝૂપડપટ્ટીની વાસ્તવિકતા અને નેશનલ એવોર્ડ વિજેતા અભિનેત્રી અંજલી પાટિલના સહારે સ્વચ્છતાના મુદ્દાને ઉજાગર કરશે. ફિલ્મનું શુટીંગ મુંબઇમાં જ થયું છે. આ ફિલ્મનું પોસ્ટર પણ અગાઉ રિલીઝ થઇ ગયું છે. જેમાં ટેગલાઇન હતી-મેરે પ્યારે પ્રાઇમ મિનિસ્ટર, મેરી અરજી સુન લો જરા. રાકેશે અગાઉ રંગ દે બસંતી, દિલ્હી-૬ અને ભાગ મિલ્ખા ભાગ જેવી હિટ ફિલ્મો આપી છે.