Gujarati News

નવી દિલ્હીઃ બોલીવુડના અભિનેતા ધર્મેન્દ્ર હવે ભલે ફિલ્મમાં ઓછા જોવા મળતા હોય પરંતુ સોશિયલ મીડિયા પર ખુબ સક્રિય રહે છે. હાલમાં તેમણે પોતાના પુત્ર સની દેઓલની બાળપણની એક તસવીર શેર કરી છે.

આ જૂના ફોટોમાં સની નિર્દોષતા સાથે ઉભો જોવા મળી રહ્યો છે. ફોટોને શેર કરતા ધર્મેન્દ્રએ લખ્યું, 'મારો સૌથી નિર્દોષ બાળક, હું તેની તસવીર પોતિયા વગર ક્લિક કરવા ઈચ્છતો હતો. સનીએ કહ્યું, નહીં પાપા નહીં. દોસ્તો, તેની નિર્દોષતા મને આજે પણ દુખી કરી દે છે. સની, લવ યૂ માઇ સન. 'પલ પલ દિલ કે પાસ' રહેવા માટે શુભકામનાઓ.'

મહત્વનું છે કે પલ પલ દિલ કે પાસનું દિગ્દર્શન સની દેઓલે કર્યું છે અને તેણે તેને પ્રોડ્યૂસ પણ કરી છે. ફિલ્મથી સની દેઓલનો પુત્ર કરણ દેઓલ બોલીવુડમાં પર્દાપણ કરવા જઈ રહ્યો છે. 20 સપ્ટેમ્બરે રિલીઝ થઈ રહેલી આ ફિલ્મમાં કરણની ઓપોઝિટ સહર બાંબા જોવા મળશે.