Gujarati News

મુંબઈ: અનિલ કપૂર અને જુહી ચાવલા ફરી રૃપેરી પડદે  સાથે જોવા મળે તેવી શક્યતા છે. ભૂતકાળમાં બન્નેએ સાથે કામ કર્યું હતું અને આ જોડીને દર્શકોએ પસંદ પણ કરી છે. આ ફિલ્મમાં સોનમ કપૂર પણ કામ કરતી હોવાથી અનિલ કપૂર આ ફિલ્મ માટે ઉત્સાહિત છે. અનિલ કપૂર અન જુહી ચાવલા 'એક લડકી કો દેખા તો ઐસા લગા ફિલ્મમાં સાથે કામ કરવાના છે. આ ફિલ્મનું શિર્ષક અનિલની સફળ ફિલ્મ ૧૯૪૨ : અ લવ સ્ટોરીના શિર્ષક ગીત પરથી લેવામાં આવ્યું છે. ફિલ્મમાં આ ગીતના નવા વર્ઝનને પણ દર્શકોને સાંભળવા મળશે.કહેવાય છે કે અનિલ કપૂર અને જુહી ચાવલા વચ્ચે ફિલ્મમાં રોમાન્સ જોવા મળે તેવી ચર્ચા છે. બન્ને એકટર્સે પોસ્ટર ટ્વિટર પર શેયર કર્યા છે. આ ફિલ્મ એક એવી યુવતીની વાત છે, જે પોતાના લગ્નજીવનથી ખુશ નથી. આ દરમિયાન તેને જાણ થાય છે કે તેના પિતાના એક યુવતી સાથે સંબંધ છે. આ ફિલ્મ ઓકટોબરમાં રીલિઝ થાય તેવી શક્યતા છે. અનિલ અને જુહીએ ભૂતકાળમાં ઘણી સફળ ફિલ્મો આપી છે. જેમાં દીવાના-મસ્તાના, લોફર, બેનામ બાદશાહ અને કારોબાર છે.