Gujarati News

Gujarati News

News of Friday, 1st June 2018

ઇમ્તિયાઝ અલીની ફિલ્મ લૈલા મજનુના ફર્સ્ટ લૂક લોન્ચ

મુંબઇટોચના ફિલ્મ સર્જક  ઇમ્તિયાઝ અલીની નવી ફિલ્મ લૈલા મજનુના ફર્સ્ટ લૂકને ગુરુવારે રિલિઝ કરાયો હતો. પહેલી જૂને  શુક્રવારે એનું ટીઝર રજૂ કરવાની ઇમ્તિયાઝની યોજના હતીબાલાજીની એકતા કપૂર ફિલ્મની નિર્માત્રી છે. હજુ જો કે સ્ટાર કાસ્ટ ફાઇનલ થઇ નથી. પરંતુ ઇમ્તિયાઝે રજૂ કરેલી સ્ક્રીપ્ટ અને ફિલ્મની આઉટલાઇન એકતાને પસંદ પડી હતી. શુક્રવારે પહેલી જૂને એકતા અને રિયા કપૂરની ફિલ્મ વીરે દી વેડિંગની સાથોસાથ લૈલા મજનુનું ટીઝર રજૂ કરવાની એની યોજના હતી.અગાઉ પણ લૈલા મજનુ વિશે એક કરતાં વધુ ફિલ્મો બની હતી અને જે તે સમયના દર્શકોને ગમી હતી. ઇમ્તિયાઝ સેંકડો વરસો જૂની કથામાં શું નવું કરવાનો છે હજુ જાહેર થયું નથી.પરંતુ ઇમ્તિયાઝ કાયમ કંઇક નવું કરતો રહ્યો છે અને નિતાંત વ્યાપારી ભેજું ધરાવતી એકતાને એની સ્ક્રીપ્ટ ગમી છે એટલે કંઇક તો હશે. ઇમ્તિયાઝની નિકટનાં સૂત્રોએ કહ્યું કે સૈકાઓ જૂની પ્રણય કથાને ઇમ્તિયાઝ આજના સંદર્ભમાં રજૂ કરવાનો છે. ફિલ્મનું ડાયરેક્શન ઇમ્તિયાઝનો ભાઇ સાદ અલી કરશે એવું પણ જણાવવામાં આવ્યું હતું.ઇમ્તિયાઝે એક ફોટોગ્રાફ સાથે ઇન્સ્ટાગ્રામ પર ફિલ્મની જાહેરાત કરી હતી અને એમાં જણાવ્યું હતું કે એકતા નિર્મિત ફિલ્મનો પ્રસ્તુતકર્તા હું રહીશ.

(5:28 pm IST)
  • સુરત બિટકોઈન કૌભાંડ મામલો : જીજ્ઞેશ મોરડિયા, ઉમેશ ગોસ્વામી, મનોજ ક્યાડાને કોર્ટમાં રજૂ કરાયા : ત્રણેય આરોપીઓની ગઈકાલે થઇ હતી ધરપકડ : 155 કરોડના બિટકોઈન લૂંટમાં હતાં સામેલ : શૈલેષ ભટ્ટના કહેવાથી થઇ હતી અપહરણ-લૂંટ : જીજ્ઞેશ પાસેથી 25 કરોડના બિટકોઇન-9 કિલો સોનુ જપ્ત access_time 2:55 pm IST

  • વાયરલ વીડિયોમાં ગોવિંદા સ્ટાઈલથી ડાન્સ કરતા આ વિદિશાના સંજીવ શ્રીવાસ્તવ ભોપાલની એક એન્જીનીયરીંગ કોલેજના આસિસ્ટન્ટ પ્રોફેસર કહે છે કે તેઓએ ડાન્સની કોઈ ટ્રેનિંગ લીધી નથી :અને 80ના દાયકામાં મધ્યપ્રદેશના બેસ્ટ ડાન્સરનો એવોર્ડ મેળવ્યો હતો access_time 1:07 am IST

  • દેશમાં ફોરેન્સિક પ્રયોગશાળાના અભાવે દરવર્ષે 13,000 બળાત્કારના કેસની તપાસ થઇ શકતી નથી : મહિલા અને બાલ કલ્યાણમંત્રી મેનકા ગાંધીએ કહ્યું કે અપરાધની તપાસમાં સૌથી નબળું પાસું ફોરેન્સિક છે અને દેશની મુખ્ય ફોરેન્સિક પ્રયોગશાળામાં વર્ષે 160થી ઓછા મામલાની તપાસ થાય છે access_time 1:18 am IST