ઇમ્તિયાઝ અલીની ફિલ્મ લૈલા મજનુના ફર્સ્ટ લૂક લોન્ચ

મુંબઇ: ટોચના ફિલ્મ સર્જક  ઇમ્તિયાઝ અલીની નવી ફિલ્મ લૈલા મજનુના ફર્સ્ટ લૂકને ગુરુવારે રિલિઝ કરાયો હતો. પહેલી જૂને  શુક્રવારે એનું ટીઝર રજૂ કરવાની ઇમ્તિયાઝની યોજના હતીબાલાજીની એકતા કપૂર આ ફિલ્મની નિર્માત્રી છે. હજુ જો કે સ્ટાર કાસ્ટ ફાઇનલ થઇ નથી. પરંતુ ઇમ્તિયાઝે રજૂ કરેલી સ્ક્રીપ્ટ અને ફિલ્મની આઉટલાઇન એકતાને પસંદ પડી હતી. શુક્રવારે પહેલી જૂને એકતા અને રિયા કપૂરની ફિલ્મ વીરે દી વેડિંગની સાથોસાથ લૈલા મજનુનું ટીઝર રજૂ કરવાની એની યોજના હતી.અગાઉ પણ લૈલા મજનુ વિશે એક કરતાં વધુ ફિલ્મો બની હતી અને જે તે સમયના દર્શકોને ગમી હતી. ઇમ્તિયાઝ આ સેંકડો વરસો જૂની કથામાં શું નવું કરવાનો છે એ હજુ જાહેર થયું નથી.પરંતુ ઇમ્તિયાઝ કાયમ કંઇક નવું કરતો રહ્યો છે અને નિતાંત વ્યાપારી ભેજું ધરાવતી એકતાને એની સ્ક્રીપ્ટ ગમી છે એટલે કંઇક તો હશે. ઇમ્તિયાઝની નિકટનાં સૂત્રોએ કહ્યું કે સૈકાઓ જૂની આ પ્રણય કથાને ઇમ્તિયાઝ આજના સંદર્ભમાં રજૂ કરવાનો છે. આ ફિલ્મનું ડાયરેક્શન ઇમ્તિયાઝનો ભાઇ સાદ અલી કરશે એવું પણ જણાવવામાં આવ્યું હતું.ઇમ્તિયાઝે એક ફોટોગ્રાફ સાથે ઇન્સ્ટાગ્રામ પર આ ફિલ્મની જાહેરાત કરી હતી અને એમાં જણાવ્યું હતું કે એકતા નિર્મિત આ ફિલ્મનો પ્રસ્તુતકર્તા હું રહીશ.