Gujarati News

રાજકોટ તા. ૮ : ઘીયાવડ જન્મભુમિ ધરાવતા અને રાજકોટને કર્મભુમિ બનાવનાર સામાજીક સેવાકીય સંસ્થા યુવા સેના ટ્રસ્ટના  પ્રમુખ પ્રદ્યુમનસિંહ ઝાલાનો આજે જન્મ દિવસ છે. આ સંસ્થાના નેજા હેઠળ હરતુ ફરતુ અન્નક્ષેત્ર, મેડીકલ સાધનોની સેવા, જરૂરતમંદોને અન્ન સહાય, નિઃશુલ્ક તબીબી સેવાઓ, બાળ સંસ્કાર કેન્દ્ર, અબોલ જીવોની સેવા જેવા પ્રકલ્પો ચલાવી રહ્યા છે. અન્ય સેવાકીય સંસ્થાઓ સાથે પણ એટલીજ આત્મિયતાથી સંકળાયેલા છે. આજે જન્મદિવસની પણ સેવાકાર્યો થકી ઉજવણી કરવા ૧૦૧ પરિવારોને અન્નસહાય કીટ અને વિધવા ત્યકતા બહેનોને સાડી તથા કપડા વિતરણ કરાશે. તેમજ કાલે તા. ૯ ના હોસ્પિટલ અને સ્લમ વિસ્તારોમાં ફ્રુટ વિતરણ તથા તા. ૧૦ ના ૧૦૮ વડીલોને સન્માનવા વડીલ વંદનાનો કાર્યક્રમ રાખેલ છે. તેમના જન્મ દિવસ નિમિતે ઠેરઠેરથી શુભેચ્છાવર્ષા થઇ રહી છે. તેમના મો.૯૯૧૩૩ ૧૦૧૦૦ છે.