Gujarati News

Gujarati News

News of Wednesday, 25th November 2020

બિલખા પાસે ૩૮ લાખનો દારૂ ભરેલ ટ્રક ઝડપાયો

મોડી રાત્રે સ્ટેટ વિજીલન્સ કાફલાનું મોટું ઓપરેશનઃ ૮૦૦ પેટી સાથે એકની ધરપકડ

(વિનુ જોશી દ્વારા) જુનાગઢ તા. રપઃ જુનાગઢનાં બીલખા પાસેથી મોડી રાત્રે સ્ટેટ વિજીલન્સનાં કાફલાએ ૮૦૦ પેટી દારૂ ભરેલો ટ્રક ઝડપી લઇ એક શખ્સની ધરપકડ કરી હોવાનું જાણવા મળેલ છે.

આ અંગે પ્રાપ્ત થયેલી પ્રાથમિક વિગતો એવી છે કે, જુનાગઢના લીલાખા વિસ્તારમાં વિદેશી દારૂની મોટા પાયે ફેરાફેરી થવાની હોવાની બાતમી મળતાં સ્ટેટ વિજીલન્સનાં કાફલાએ બીલખા આસપાસ વોચ ગોઠવી હતી.

આ દરમ્યાન રાત્રીનાં બે વાગ્યાની આસપાસ લીલાખામાં ગેસ ગોડાઉન પાસેથી જીજે-૭પ-વાય-વાય ૭૭૦૬ નંબરનો ટ્રક પસાર થતાં વિજીલન્સને ટ્રક રોકી તલાશી લેતાં ટ્રકમાં કાળા કલરની તાડપત્રી નીચે ઢાંકેલ ૮૦૦ પેટી (૯૬૦૦ બોટલ) દારૂનો જથ્થો મળી આવ્યો હતો.

આ કાર્યવાહી દરમ્યાન ટ્રક ડ્રાઇવર નાસી છુટયો હોવાનું અને બીલખાનો રણજીત બસીયા નામનો શખ્સ હાજર મળી આવતાં તેની ધરપકડ કરવામાં આવી હોવાનું જાણવા મળે છે.

આ લખાય છે ત્યારે હજુ આ અંગે સતાવાર માહિતી જાહેર કરવામાં આવી નથી અને વિજીલન્સ દ્વારા દારૂની ગણતરી કરી લીલાખા પોલીસ સ્ટેશનમાં ગુનો દાખલ કરાવવાની તજવીજ હાથ ધરી છે.

પકડાયેલા દારૂની અંદાજીત કિંમત રૂ. ૩૮.૪૦ લાખ હોવાનું જાણવા મળેલ છે. વધુ વિગતો મેળવાઇ રહી છે.

સ્ટેટ વિજીલન્સનાં આ ઓપરેશનથી દારૂની હેરાફેરી અને વેંચાણ કરતાં શખ્સોમાં ફફડાટ વ્યાપી ગયો છે.

(12:53 pm IST)
  • લક્ષ્મી વિલાસ બેંકનું DBILમાં વિલીનીકરણઃ કેબિનેટની મંજુરી: સંકટમાં ફસાયેલી લક્ષ્મી વિલાસ બેંકને DBS બેંક ઇન્ડીયા લીમીટેડમાં વિલીનીકરણને કેન્દ્રીય કેબિનેટે મંજુરી આપી છેઃ રિઝર્વ બેંક ૧૭મીએ બેંકને ૧ માસના મોરેટોરિયમમાં નાખી દીધી હતી. ર૦ લાખ થાપણદારો અને ૪૦૦૦ કર્મચારીઓને રાહત થઇ કેન્દ્રના નિર્ણયથીઃ કર્મચારીઓની નોકરી યથાવત રહેશે. access_time 4:00 pm IST

  • સંસદ ભવનના ગેટ નંબર એક ઉપર આવેલી મહાત્મા ગાંધીની પ્રતિમા હટાવાશે : આ પ્રતિમા સામે બેસી સાંસદો ગાંધી ચિંદ્યા માર્ગે વિરોધ વ્યક્ત કરે છે : ભવનના નવનિર્માણનું કાર્ય ચાલી રહ્યું હોવાથી ટૂંક સમય માટે પ્રતિમા હટાવી પાછી યોગ્ય જગ્યાએ મૂકી દેવાશે access_time 11:43 am IST

  • એસટી તંત્રનો મોટો નિર્ણંય : રાજ્યના ચાર મહાનગરોમાં રાત્રી કર્ફ્યૂને લઇને S.T વિભાગે તમામ રિઝર્વેશન ટિકિટ રદ્દ કરી: હવે મુસાફરોને બસની અંદર જ ટિકિટ લેવી પડશે access_time 11:59 pm IST