Gujarati News

 જામનગરવાસીઓને મીજાજ બદલી ગયો હોય તેવું જણાય છે વર્ષોથી ભાદરવામાસમાં પતંગ ચગાવતા જામનગરવાસીઓ બે વર્ષથી મકરસંક્રાંતિના દિવસે પતંગ ચગાવવા તરફ વળી રહ્યા હોય દોરા પતંગના વેચાણમાં પણ તેજીનો માહોલ શરૂ થયો છે વર્ષોથી રણજીતરોડ પર જ દોર પતંગનો વેપાર થતો હવે શહેરના દરેક વિસ્તારમાં દોર પતંગના સ્ટોલ જોવા મળી રહ્યા છે. ખાસ કરીને જામનગરવાસીઓ હાથ પાયેથી દોરનો જ ઉપયોગ કરતા રહ્યા છે ત્યારે અમદાવાદ, સુરત કે બરોડાના માંજા કરતા લોકલ હાથ પાયેલી દોરનું બજારમાં ચલણ વધુ જોવા મળી રહ્યું છે. અને ગ્રાહકોને આકર્ષવા રંગબેરંગી દોર પણ દરેક સ્થળે જોવા મળી રહી છે તો આ વર્ષે પતંગની વેરાયટી પણ વધી છે. બજારમાં થોકબંધ માલ ઠલવાયો છે ત્યારે ઉતરાયણના દિવસે આકાશમાં કેવો માહોલ સર્જાય તે જોવું રહ્યું (તસ્વીર : વિશ્વાસ ઠક્કર)