Gujarati News

Gujarati News

News of Friday, 9th February 2018

આટકોટના વિજય કોળીનો ઝેરી દવા પીને પાણીમાં ઝંપલાવી આપઘાત

આટકોટઃ તસ્વીરમાં મૃતક કોળી યુવકનો મૃતદેહ તથા સ્યુસાઇડ નોટ નજરે પડે છે. (તસ્વીરઃ વિજય વસાણી-આટકોટ)

આટકોટ, તા. ૯:  આટકોટમાં સ્વામિનારાયણ મંદિમાં સેવા આપતા અને ધાર્મિક વૃત્તિના કોળી યુવકે આપઘાત કરી લેતા અરેરાટી વ્યાપી ગઇ છે.

પ્રાપ્ત માહિતી મુજબ આટકોટમાં રહેતા વિજય માવજીભાઇ સોલંકી (ઉ.વ.ર૦) એ આજે સવારે અંબાજી મંદિર રોડ ઉપર જાનબાઇ માતાના મંદિર પાછળ ભાદર નદીના કાંઠે ઝેરી દવા પીધેલી હાલતમાં પાણીમાંથી મૃતદેહ મળતા પોલીસે તપાસ હાથ ધરી છે.

મૃતક યુવક વિજય સોલંકીના ખિસ્સામાંથી મળેલી સ્યુસાઇડ નોટમાં લખ્યુ છે કે ''આ હુ જે પગલુ ભરૂ છુ તેના માટે અન્ય કોઇ '' વ્યકિત, પ્રાણી કે સ્થાન જવાબદાર નથી. આના માટે હું પોતે જ જવાબદાર છું''.

મૃતક યુવકના પિતા માવજીભાઇ સોલંકી કડિયાકામ કરે છે. વિજય કોળીના આપઘાત અંગે પોલીસે તપાસ હાથ ધરી છે.

(4:15 pm IST)
  • મૈક્સિકોમાં ભૂકંપનો આંચકો : પશ્ચિમી પ્રશાંત કાંઠે 5,8ની તીવ્રતાનો ભૂકંપ : જલિસકો અને કોલીમાં રાજ્યની સીમા નજીક કિનારાથી 30 કી, મી, દૂર કેન્દ્રબિંદુ : નુકશાનના કોઈ અહેવાલ નથી access_time 9:22 am IST

  • ફિલ્મ મણીકર્ણિકાના નિર્માતાઓને મળી મોટી રાહત : બ્રાહ્મણ સમાજે ફિલ્મનો વિરોધ પાછો ખેંચ્યો : 5 ફેબ્રુઆરીના રોજ બ્રાહ્મણ સમાજએ કંગના રનૌતની આગામી ફિલ્મ 'મણીકર્ણિકા' સામે ઈતિહાસમાં ચેડાં કરવાનો દાવો કરીને વિરોધ કર્યો હતો : ફિલ્મ નિર્માતાઓનું આશ્વાશન મળ્યા બાદ બ્રાહ્મણ સમાજે પોતાનો વિરોધ પાછો લીધો હોવાનું જાણવા મળી રહ્યું છે access_time 12:46 am IST

  • મહિસાગરમાં ડમ્પીંગ યાર્ડ સામે ગ્રામજનોનો વિરોધઃ પોલીસ સાથે ઘર્ષણ થતા ટીયરગેસ છોડાયોઃ બાલાસિનોર નજીક ડમ્પીંગ યાર્ડનું કામ શરૂ થતા ગ્રામજનોના ટોળા દ્વારા જોરદાર વિરોધ પ્રદર્શન : ડીવાયએસપી પી.આઈ. સહિતનો પોલીસ કાફલો ઘટના સ્થળે દોડી ગયો હતો : ગ્રામજનો અને પોલીસ વચ્ચે ઘર્ષણ થયુ : ટોળાને કાબુમાં લેવા ટીયરગેસના ૩ સેલ છોડવામાં આવ્યા access_time 5:48 pm IST