News of Wednesday, 3rd January 2018

જસદણ જીઇબી વિસ્તારમાં પાણીની લાઇનમાં ગટરનું પાણી ભળ્યું

જસદણ તા. ૩ : જસદણમાં જીઇબી કચેરી નજીક જમાતખાના રોડ ઉપર પાણીની લાઇનમાં ગટરનું પાણી ભળતા નાગરીકોના આરોગ્ય ઉપર ખતરો ફેલાયો છે.

ઘાચી જમાત ખાના નજીક રોડ બનાવવા માટે રોડનું ખોદકામ કરેલ છે. આ વિસ્તારમાં રોડ ખોદવાથી ભૂગર્ભ ગટરની લાઇન તથા પાણીની પાઇપલાઇન તુટી ગઇ છે. રોડ ઉપર ઠેર ઠેર ગટરનું ગંદુ પાણી ભરાયું છે આ પાણી રોડ ઉપર ફરી વળવાથી લોકોને ચાલવામાં પણ મુશ્કેલી પડે છે. પાણીની પાઇપ લાઇનમાં ગટરનું પાણી ભળવાથી આ વિસ્તારના નાગરીકોના આરોગ્ય ઉપર જોખમ છે. ઘાચી જમાતખાના નજીક રહેતા જાગૃત નાગરીક અબ્દુલભાઇ ચૌહાણે જણાવ્યું હતું કે આ પ્રશ્ને નગરપાલિકાને જાણ કરવા છતા પગલા લેવામાં આવ્યા નથી. ભયંકર રોગચાળો ફાટી નિકળે તે પહેલા ગટર અને પાણીની પાઇપલાઇન રીપેર કરવાની નાગરીકોની માગણી છે.

(11:28 am IST)
  • ગુજરાતમાં વિપક્ષી નેતા મામલે ચાલી રહેલી ખેચતાણ વચ્ચે આજે અલ્પેશ ઠાકોરે એક નિવેદન આપ્યું હતું કે "હું વિપક્ષના નેતાની રેસમાં નથી, અને પાર્ટી જેને નક્કી કરશે તેને સહકાર આપીશ." access_time 4:05 pm IST

  • ગાઢ ધુમ્મ્સને કારણે પંજાબની તમામ સ્કૂલોના સમયમાં ફેરફારઃ સવારે ૧૦ વાગ્યે સ્કૂલ ખુલશે access_time 11:24 am IST

  • મહારાષ્ટ્રની હિંસાનો પાટણમાં ગઈકાલે પડઘોઃ બામસેફના કાર્યકરોનું વિરોધ પ્રદર્શનઃ ચાણસ્મા-રાધનપુર હાઈવે પર ચક્કાજામ ,ટોળાએ ટાયર સળગાવી ચકકાજામ કયોઃ પોલીસે ટોળાને વિખેરી હાઇવે ખુલ્લો કર્યો access_time 11:24 am IST