Gujarati News

રાજકોટ તા. ૩૧ :.. શહેરમાં આજી રીવર ફ્રન્‍ટનું કામ ગતિથી ચાલી રહ્યું છે, ત્‍યારે ગઇકાલે ભાજપના ધારાસભ્‍ય ગોવિંદભાઇ પટેલે મનપાના અધિકારીઓ - પદાધિકારીઓ સાથે મીટીંગ કરી રિવર ફ્રન્‍ટના કામ સાથે ચોમાસા પહેલા આજી નદીની સફાઇ કરવા રજૂઆત કરેલ. જે અનુસંધાને તંત્રવાહકો દ્વારા ઝડપથી આજીની સફાઇ અને   પ્રિ-મોનસુન કામગીરી શરૂ કરી છે.

આજે સવારે આજી નદીના પટમાં આવેલ જંગલેશ્વરઅને ભગવતીપરા વિસ્‍તારની ૧૮૦ કાચા-પાકા બાંધકામોને હટાવવા નોટીસ આપવામાં આવી છે. આ બાંધકામો નદીના વહેણમાં અવરોધ ઉભો કરે છે, જેથી નદીનું પાણી, કચરો અને અન્‍ય ચીજ વસ્‍તુઓ આગળ લઇ જઇ શકતુ ન હોવાથી ગંદકી ઉભી થઇ રહી હતી.મનપાની ટાઉન પ્‍લાનીંગ શાખા દ્વારા કલમ જીપીએમસી ર૬૦/૧ મુજબ બાંધકામો પાડવાની નોટીસ આપવા પહેલીવાર વિજીલન્‍સ અને પોલીસ બન્નેને સાથે રાખી કાર્યવાહી કરવામાં આવી હતી.