Gujarati News

રાજકોટઃ સવારે સીટી બસ રૂટ નં. એમ-૧૦ કણકોટ લાભુભાઇ ત્રિવેદી કોલેજથી ગ્રીનલેન્‍ડ ચોકડી તરફ જવા નીકળી ત્‍યારે મવડીના કણકોટ રોડ પર પહોંચતા એકાએક આગળના ભાગેથી ધૂમાડાના ગોટેગોટા નીકળવા માંડતાં ડ્રાઇવરે બસ ઉભી રાખી દીધી હતી અને ડ્રાઇવર, કંડકટર તથા બે ત્રણ મુસાફરો તાબડતોબ નીચે ઉતરી ગયા હતાં. જોતજોતામાં બસમાં આગળના ભાગે મોટો ભડકો થયો હતો. નજીકમાં જ પાણીનો ટાંકો હોઇ લોકોએ પાણીની નળી લંબાવી આગ ઓલવવા પ્રયાસ કર્યો હતો. દરમિયાન ફાયર બ્રિગેડને જાણ થતાં જવાનોએ બંબા સાથે પહોંચી આગ બુઝાવી હતી. જીજે૦૩એટી-૯૫૭૧ નંબરની સીટી બસનો આગળનો ભાગ સંપુર્ણ બળી જતાં નુકસાન થયું હતું. તસ્‍વીરમાં બસમાં થયેલા ભડકાનું દ્રશ્‍ય અને આગ ઓલવી રહેલા ફાયર બ્રિગેડના કર્મચારીઓ જોઇ શકાય છે.