Gujarati News

Gujarati News

News of Wednesday, 3rd January 2018

કાલે રાજયના અન્ન આયોગના અધ્યક્ષ ભુપેન્દ્ર લાખાલાલા રાજકોટમાં: પુરવઠો-મભોયો-આંગણવાડી અંગે સમીક્ષા

રાજકોટ, તા., ૩: રાજકોટ કલેકટર કચેરી ખાતે ગુજરાત રાજય અન્ન આયોગની એક સમીતી બેઠક કાલે બપોરે ૧ર વાગ્યે યોજાશે. જેમાં ગુજરાત રાજય અન્ન આયોગના અધ્યક્ષશ્રી ભુપેન્દ્ર લાખાવાલા, સભ્ય સચિવશ્રી એમ.એ.નરમાવાલા તથા સભ્યશ્રી દિનેશભાઇ કારીયા હાજર રહેનાર છે.

રાજકોટ જીલ્લા જાહેર વિતરણ બાબતે તથા ફરીયાદો બાબતે જાહેર વિતરણ વ્યવસ્થા તથા રાષ્ટ્રીય અન્ન સલામતી કાયદાનું અમલીકરણ, મધ્યાહન ભોજન યોજના કેન્દ્રોની કામગીરી તથા આંગણવાડી કેન્દ્રો મારફતે ધાત્રી અને સગર્ભા મહિલાઓને પોષણક્ષમ આહાર આપવાની યોજનાના અમલીકરણ બાબતે સમીક્ષા તથા ચર્ચા થનાર છે.

આ બેઠકમાં કલેકટરશ્રી, જીલ્લા  વિકાસ અધિકારીશ્રી તથા ઉકત બાબતો લગત જીલ્લા કક્ષાના અધિકારીશ્રીઓ પણ લોકોની ફરીયાદ નિવારણ બાબતે હાજર રહેનાર છે.

(4:07 pm IST)
  • બિહારના સમસ્તીપુર શહેરના ગોલા રોડ પરની યુકો બેન્કમાંથી ૮ સશસ્ત્ર લૂંટારૂઓએ 52 લાખ રૂપિયાની લૂંટ ચલાવી નાસી છુટ્યા : પોલીસે ઘટના સ્થળે પહુચીને તપાસ શરુ કરી : તમામ લૂંટારૂઓ સવારે 10-15 વાગ્યે બાઈક પર બેંકમાં પહોચ્યા હતા. access_time 3:51 pm IST

  • દિલ્હીમાં સતત બીજા દિવસે ધુમ્મસનું સામ્રાજયઃ આવતી-જતી ૧૨ ટ્રેન રદઃ ૪૯ ટ્રેન તથા ૨૦ ફલાઇટ મોડી access_time 11:24 am IST

  • બ્રિટનમાં એલીનોર તોફાન : 160ની ઝડપે પવન ફૂંકાયો : 40 ફૂટ ઊંચા મોજાં ઉછળ્યાં access_time 8:44 am IST