Gujarati News

નવી દિલ્‍હી, તા.૧૨: ભાજપમાં પીએમ નરેન્‍દ્રભાઇ મોદીના ઉત્તરાધિકારી તરીકે લોકો ગળહમંત્રી અમિતભાઇ શાહ અને સીએમ યોગી આદિત્‍યનાથને જોઈ રહ્યા છે. આજતક અને સી-વોટર સર્વેમાં લોકોને પૂછવામાં આવ્‍યું હતું કે ભાજપમાં PM નરેન્‍દ્રભાઇ મોદીનો ઉત્તરાધિકારી કોણ છે?, અમિત શાહને ૨૫ ટકા, યોગી આદિત્‍યનાથને ૨૪ ટકા, નીતિન ગડકરીને ૧૫ ટકા મત મળ્‍યા હતા. રાજનાથ સિંહને ૯ ટકા અને નિર્મલા સીતારમણને ૪ ટકા વોટ મળ્‍યા.સર્વેમાં લોકોને પૂછવામાં આવ્‍યું કે શ્રેષ્ઠ મુખ્‍યમંત્રી કોણ છે? તો ૪૦ ટકા લોકો માનતા હતા કે યોગી આદિત્‍યનાથ શ્રેષ્ઠ મુખ્‍યમંત્રી છે. જ્‍યારે અરવિંદ કેજરીવાલ બીજા નંબર પર છે, ૨૨ ટકા લોકોએ તેમને વોટ આપ્‍યા છે. આ સિવાય મમતા બેનર્જીને ૯ ટકા, એમકે સ્‍ટાલિનને ૫ ટકા, વાયએસઆર અને નવીન પટનાયકને ૪-૪ ટકા વોટ મળ્‍યા છે.

મોદી સરકારના શ્રેષ્ઠ મંત્રીના પ્રશ્‍ન પર ૨૨.૫% લોકોએ નીતિન ગડકરીને સૌથી વધુ વોટ આપ્‍યા. બીજી તરફ લોકપ્રિય મંત્રીઓની યાદીમાં રાજનાથ સિંહ બીજા નંબર પર છે, તેમને ૨૦.૪% લોકોએ વોટ આપ્‍યા છે. બીજી તરફ, અમિતભાઇ શાહ ૧૭.૨% મતો સાથે ત્રીજા અને એસ જયશંકર ૪.૭% મતો સાથે ચોથા અને સ્‍મળતિ ઈરાની ૪.૬% મતો સાથે પાંચમા ક્રમે છે.

૪૪ ટકા લોકો માને છે કે નરેન્‍દ્રભાઇ મોદી અત્‍યાર સુધીના શ્રેષ્ઠ વડાપ્રધાન છે. તે જ સમયે, ૧૭ ટકા લોકોએ અટલ બિહારી વાજપેયી, ૧૩ ટકા ઇન્‍દિરા ગાંધી અને ૮ ટકા મનમોહન સિંહને શ્રેષ્ઠ પીએમ તરીકે મત આપ્‍યા હતા, જ્‍યારે માત્ર ૫ ટકા લોકોએ જવાહરલાલ નેહરુને મત આપ્‍યો હતો.

દિલ્‍હીના સીએમ અને આમ આદમી પાર્ટીના કન્‍વીનર અરવિંદ કેજરીવાલની લોકપ્રિયતા વધી રહી છે. આજતક સી વોટરના સર્વેમાં અરવિંદ કેજરીવાલ વિપક્ષના શ્રેષ્ઠ નેતા તરીકે ઉભરી આવ્‍યા છે. તેમને ૨૭ ટકા લોકોએ વોટ આપ્‍યો છે. તે જ સમયે, ૨૦ ટકા લોકોની પસંદગી પ?મિ બંગાળના સીએમ મમતા બેનર્જી છે. સર્વેમાં આ સવાલ પર ૧૩ ટકા લોકોએ રાહુલ ગાંધીને, ૫ ટકાએ નવીન પટનાયકને અને ૪ ટકા લોકોએ શરદ પવારને વોટ આપ્‍યો.

સર્વેમાં જ્‍યારે પૂછવામાં આવ્‍યું કે કોંગ્રેસમાં કોણ સુધારા લાવી શકે છે?, ત્‍યારે લોકોનું માનવું હતું કે માત્ર રાહુલ ગાંધી જ કોંગ્રેસને પુનર્જીવિત કરી શકે છે. ૨૨.૮ ટકા લોકોએ તેમને મત આપ્‍યો. આ પછી ૧૫.૭ ટકા લોકો માનતા હતા કે મનમોહન સિંહ, ૧૩.૭ ટકા લોકો સચિન પાયલટ, ૮.૬ ટકા લોકો પ્રિયંકા ગાંધી, ૫.૭ ટકા લોકો માને છે કે સોનિયા ગાંધી કોંગ્રેસને સુધારી શકે છે.