Gujarati News

Gujarati News

News of Tuesday, 2nd March 2021

યોગી આદિત્યનાથ પશ્ચિમ બંગાળમાં : પરિવર્તન યાત્રા સાથે રોડ શો કરશે : માલદામાં ચૂંટણી રેલીને સંબોધશે

વિધાનસભાની 12 સીટ :લગભગ 50 ટકા મુસ્લિમ મતદારો

પશ્ચિમ બંગાળમાં રાજનિતિક ગરમીના માપદંડો બદલાવાના છે. યૂપીના મુખ્યમંત્રી યોગી આદિત્યનાથ આજે પશ્ચિમ બંગાળની મુલાકાત પર જશે અને માલદામાં ચૂંટણી સંબધિત રેલી કરશે. માલદા મુસ્લિમ બહુમતીવાળો વિસ્તાર છે. ચૂંટણીની તારીખોની ઘોષણા બાદ પશ્ચિમ બંગાળમાં ભાજપની સૌથી મોટી ચૂંટણી રેલી છે. ભાજપે પશ્ચિમ બંગાળને લઈ પોતાની આક્રમક રણનીતિ સ્પષ્ટ કરી દીધી છે.

માલદામાં આજે બપોરે 2 વાગ્યે યોગી આદિત્યનાથની રેલી થશે. સીએમ ભાજપની પરિવર્તન યાત્રા સાથે રોડ શો પણ કરશે.

માલદા જિલ્લામાં વિધાનસભાની 12 સીટ છે. અહીં લગભગ 50% મુસ્લિમ મતદારો છે. માનવામાં આવી રહ્યું છે કે ભાજપનો પ્લાન માલદામાં યોગીને ઉતારીને હિંદુ મતોને પોતાની તરફ વાળવાનો છે.

બંગાળમાં પહેલી વખત ભગવો ફરકાવવા માટે ભાજપે કમર કસી લીધી છે. આજે યોગી આદિત્યનાથ માલદા જઇ રહ્યા છે તો રવિવારે પીએમ કોલકાતામાં મોટી રેલી કરશે. 7 માર્ચે પીએમ કોલકાતાના બ્રિગેડ ગ્રાઉન્ડમાં મોટી રેલી કરશે. ભાજપ આ રેલી દ્વારા સંપૂર્ણ રાજ્યમાં પોતાનો સંદેશ પહોંચાડવા ઈચ્છી રહી છે.

ભાજપના નેતા અને કાર્યકર્તા રેલીને સુપરહિટ બનાવવાના કામમાં લાગેલા છે. ભાજપનો ટાર્ગેટ બ્રિગેડ ગ્રાઉન્ડમાં 10 લાખ લોકોને લાવવાનો છે. ભાજપ આ રેલીને સફળ બનાવવા માટે ડોર ટૂ ડોર કેમ્પેઈન ચલાવી રહી છે

(12:05 pm IST)
  • વ્રજેશકુમાર મહોદયને કોરોના વળગ્યો : 'વીવાયઓ' ગ્રુપના વૈષ્ણવાચાર્ય વ્રજરાજકુમારજી મહારાજશ્રીને કોરોના પોઝીટીવ આવેલ છે. વડોદરા ખાતે હોમ કવોરન્ટાઈન થયાનું જાણવા મળે છે. access_time 12:33 pm IST

  • ભારતમાં કોરોના કેસો ફરી ઘટી ગયા : છેલ્લા ૨૪ કલાકમાં ૧૨ હજાર કેસ નોંધાયા છે. જ્યારે ૯૧ મૃત્યુ થયા છે અને ૧૨ હજાર સાજા પણ થયા છે: અમેરિકામાં આજે નવા ૫૩ હજાર કેસ નોંધાયા: બ્રાઝિલમાં પણ ૩૮ હજાર કેસ નોંધાયા છે: યુનાઇટેડ આરબ અમીરાતમાં કેસોમાં ઘટાડો થયો છે અને ૨૫૨૬ નવા કેસ નોંધાયા છે: રશિયામાં ૧૧ હજાર ઇંગ્લેન્ડમાં અને જર્મનીમાં ૫ હજાર નવા કેસ નોંધાયા છે: જ્યારે ઓસ્ટ્રેલિયામાં ૧૦, ચીનમાં ૧૧ અને હોંગકોંગમાં ૧૪ નવા કોરોના કેસ નોંધાયા access_time 11:45 am IST

  • રાજકોટ જિલ્લા પંચાયતની બેઠકો : કોટડાસાંગાણીમાં કોંગીના અર્જુન ખાટરિયાની જીતઃ ત્રંબામાં ભૂપત બોદર ૯૦૦ જેટલા મતે આગળ access_time 11:38 am IST