Gujarati News

Gujarati News

News of Saturday, 31st October 2020

આર્ડોર ગ્રૂપ ઓફ કંપનીઝના 488 કરોડના બેંક લોન કૌભાંડની તપાસનો રેલો અમદાવાદ સુધી પહોંચ્યો

સંખ્યાબંધ ડમી કંપનીઓ અને 204 કરોડની મિલકતો મનીષ અને વિપુલના સંબંધીઓના નામે હોવાનું ખુલ્યું

અમદાવાદ : આર્ડોર ગ્રૂપ ઓફ કંપનીઝના રૂપિયા 488 કરોડના બેંક લોન કૌભાંડની તપાસ ઇડીના અધિકારીઓ કરી રહ્યા છે જે તપાસ અંતર્ગત અમદાવાદના ટુ વેલ્યુ અને મનીષ વિપુલ એસોસિએશન ગ્રુપના છ સ્થળોએ ઇડીના અધિકારીઓએ દરોડા પાડી તપાસ આદરી હતી. તપાસ દરમિયાન આ અધિકારીઓને રોકડા રૂપિયા 5.99 કરોડ અને મોટી માત્રામાં વિદેશી ચલણી નોટો મળી હતી. તપાસમાં સંખ્યાબંધ ડમી કંપનીઓ અને રૂપિયા 204 કરોડની મિલકતો મનીષ અને વિપુલના સંબંધીઓ તથા મળતિયાઓ ના નામે હોવાની વિગતો મળી આવી છે.

આર્ડોર ગ્રુપ કંપનીના કરોડો રૂપિયાના બેંક લોન કૌભાંડની જુદી-જુદી છ ફરિયાદો નોંધાઈ હતી જેના અંતર્ગત ઇડીના અધિકારીઓએ તપાસ શરૂ કરી છે. તપાસમાં ગ્રુપ સાથે સંકળાયેલા અમદાવાદના મનીષ વિપુલ એસોસીએશન તથા ટ્રુ વેલ્યુની 6 રહેઠાણ તથા ઓફિસ પર ઇડીના અધિકારીઓએ દરોડા પાડી બે દિવસ સુધી તપાસ કરી હતી. તપાસમાં રોકડા રૂપિયા 5.99 કરોડ તથા વિદેશી ચલણી નોટો મળી આવી હતી સાથે સાથે વાંચી ડાયરીઓ તથા ડિજિટલ ડેટા પણ મળી આવ્યા છે જેની તપાસ ચાલી રહી છે.

આ કૌભાંડ અંતર્ગત કરોડો રૂપિયાના હવાલા પડયા હોવાનું તથા કરોડો રૂપિયા ફોરેન બેંક એકાઉન્ટમાં  ટ્રાન્સફર થયા હોવાની વિગતો પણ સામે આવી રહી છે. આર્ડોર ગ્રુપ દ્વારા આચરવામાં આવેલા આ કૌભાંડમાં મોટું ભંડોળ અમદાવાદની તથા વિપુલ મનીષ એસોસિએટના ખાતામાં પણ ટ્રાન્સફર થયા હોવાની વિગતો સામે આવી રહી છે. તપાસ દરમિયાન કૌભાંડમાં સંકળાયેલા વધુ લોકોના નામ સામે આવે તેવી સંભાવના જોવા મળી રહી છે.

(11:15 pm IST)
  • દેશમાં કોરોનાના નવા કેસની સંખ્યામાં એકધારો ઘટાડો :નવા કેસ કરતા સ્વસ્થ થનારની સંખ્યામાં છેલ્લા કેટલાય દિવસોથી સતત વધારો:રાત્રે 12 -30 વાગ્યા સુધીમાં કોરોનાના નવા 45,698 કેસ નોંધાયા:કુલ કેસનો આંકડો 81,81,864 થયો :એક્ટીવ કેસ ઘટીને 5,71,213 થયા:વધુ 56,182 દર્દીઓ સ્વસ્થ થતા કુલ 74, 87,093 રિકવર થયા :વધુ 454 લોકોના મોત સાથે કુલ મૃત્યુઆંક 1,22,135 થયો access_time 1:09 am IST

  • માતા વૈષ્ણોદેવીના મંદિરે કાલથી દરરોજ ૧૫,૦૦૦ યાત્રાળુઓ દર્શન કરવાની મંજૂરી : નોંધણી કાઉન્ટરો પર ભીડને રોકવા માટે ભકતોની ઓનલાઇન નોંધણી ચાલુ રહેશે access_time 2:28 pm IST

  • અમુક લોકો આતંકવાદના સમર્થનમાં ખુલ્લેઆમ બહાર આવ્યા છે : આ બાબત સમગ્ર વિશ્વ માટે ચિંતાનો વિષય છે : ' રાષ્ટ્રીય એકતા દિવસ ' નિમિત્તે વડાપ્રધાન શ્રી નરેન્દ્ર મોદીનું પ્રવચન : ફ્રાન્સમાં થયેલા આતંકી હુમલાને સમર્થન આપનાર લોકોને આડે હાથ લીધા : દેશના સૌપ્રથમ હોમ મિનિસ્ટર વલ્લભભાઈ પટેલના જન્મ દિવસ નિમિતે સ્મૃતિ વંદના કરી : દેશની સુરક્ષા માટે સરહદ ઉપર લેવાઈ રહેલા પગલાંઓ વિષે માહિતી આપી access_time 10:38 am IST