Gujarati News

ડરબનઃ ભલે ટેસ્ટ સિરીઝ હારી ગયા પણ અંતિમ ટેસ્ટમાં ટીમ ઈન્ડિયાએ શાનદાર વિજય મેળવ્યો હતો. દરમ્યાન આવતીકાલથી વન-ડે સિરીઝનો પ્રારંભ થઈ રહયો છે. જો ટીમ ઈન્ડિયા આ સિરીર્ઝી જીતી જશે તો વન-ડે રેન્કીંગમાં નં-૧ બનવાની તક છે અને જો સિરીઝ હારશે તો બીજા સ્થાનેથી ત્રીજા સ્થાને ફેંકાઈ જશે.

ભારત અને સાઉથ આફ્રિકા વચ્ચે વન-ડે સિરીઝનો પ્રથમ મેચ આવતીકાલે રમાશે. જેનું ભારતીય સમય મુજબ સાંજે ૪:૩૦ વાગ્યાથી પ્રસારણ થશે.

દરમિયાન ભારતીય ટીમના સૌથી અનુભવી ખેલાડી ધોની  માટે આ સિરીઝ ખૂબ જ મહત્વની સાબિત થશે. માહિ વન-ડે સિરીઝમાં ૧૦ હજાર રન પૂરા કરવા માટે ૧૦૨ રનની જરૂર છે.

દ.આફ્રિકા વિરૂધ્ધની વન-ડે શ્રેણીમાં ૬ મેચ રમવાના છે. ટીમ ઈન્ડિયા જો ૪-૨ના અંતરથી જીત મેળવશે તો તે ૧૨૦ રેટિંગ સાથે આઈસીસી વન-ડે ક્રમાંકમાં ટોચ પર આવી જશે. હાલ આફ્રિકાની ટીમ ૧૨૦ રેટિંગ સાથે ટોચ પર છે. ભારતના ૧૧૯ રેટિંગ છે. બીજી તરફ જો ભારતને ૧-૫ થી હાર મળશે તો તે ત્રીજા સ્થાને ખસી જશે અને ઈંગ્લેન્ડ બીજા નંબર પર આવી જશે.(૩૦.૩)