Gujarati News

મુંબઈ :રોયલ ચેલેન્જર્સ બેંગ્લોર (આરસીબી)ના ઓલરાઉન્ડર વોશિંગ્ટન સુંદર ઇન્ડિયન પ્રીમિયર લીગ (આઇપીએલ) ૨૦૨૧ની બાકીની મેચોમાંથી બહાર થઇ ગયો છે. આઇપીએલમાં આરસીબીના મુખ્ય ખેલાડીઓમાંથી એક સુંદર આંગળીમાં ઇજા બાદ ઇંગ્લેન્ડથી ભારત પરત ફર્યો હતો.

આરસીબીએ એક નિવેદનમાં વોશિંગ્ટન સુંદરની જગ્યાએ બંગાળના ક્રિકેટર આકાશ દીપને ટીમમાં સામેલ કરવાની પુષ્ટિ કરી છે.

નિવેદનમાં કહેવામાં આવ્યું કે, રોયલ ચેલેન્જર્સ બેંગ્લોરના ઓલરાઉન્ડર વોશિંગ્ટન સુંદર આંગળીની ઇજાને લીધે આઇપીએલ ૨૦૨૧ની બાકીની મેચોમાંથી બહાર થઇ ગયો છે. બંગાળના એક સ્ટેટ ક્રિકેટર અને ફ્રેન્ચાઇજીના નેટ બોલર આકાશ દીપને તેની જગ્યાએ રિપ્લેસમેન્ટ તરીકે ટીમમાં સામેલ કરવામાં આવ્યો છે.

 અત્રે ઉલ્લેખનીય છે કે, આપીએલ ૨૦૨૧ના બીજા તબક્કા પહેલાં આરસીબીએ ત્રણ નવા વિદેશી ખેલાડીઓને ટીમમાં સામેલ કર્યા હતા. આમાં શ્રીલંકાના વાહિંદુ હસરંગા, સિંગાપુરના ટિમ ડેવિડ અને દુશમંથા ચામિરાનું નામ સામેલ છે.