Gujarati News

Gujarati News

News of Tuesday, 30th June 2020

કોરોના વાયરસની ઈમ્પેકટ બાદ આઈસીસી વર્લ્ડ ટેસ્ટ ચેમ્પિયનશિપ શેડયુલનો રિવ્યુ કરશે

બાકીના મેચોને રીશેડયુલ કરવા વિચારણા ચાલુ

નવી દિલ્હીઃ દુનિયાના દરેક દેશનાં ક્રિકેટ બોર્ડ ઓકટોબર- નવેમ્બરમાં ઓસ્ટ્રેલિયામાં યોજાઈ રહેલો ટી૨૦ વર્લ્ડ કપ રમાડવામાં આવશે કે નહીં એ વિશે રાહ જોઈને બેઠા છે. જો કે આઈસીસી માટે આ ઈવેન્ટની સાથે વર્લ્ડ ટેસ્ટ ચેમ્પિયનશીપ પણ ખૂબ જ મહત્વની છે. કોરોના વાયરસને કારણે બાકીની ઈવેન્ટ કેન્સલ અથવા તો પોસ્ટપોન કરવામાં આવી છે. આ કારણસરએ ઈવેન્ટને ફરી રીશેડયુલ કરવામાં આવશે એ માટે આઈસીસી ફયુચર ટૂર્સ પ્રોગ્રામ પર નજર કરી રહી છે.

અત્યારે તો કોઈ નિર્ણય લેવામાં નથી આવ્યો. જો કે અત્યાર સુધી કેટલી ઈવેન્ટ કેન્સલ થઈ અને કેટલો સમય બચ્યો છે તેમજ બધું નોર્મલ થતાં કેટલીવાર લાગશે એ તમામ માહિતીને ધ્યાનમાં રાખીને ૨૦૨૩ સુધીની તમામ ઈવેન્ટ પર નજર રાખવામાં આવશે. આ માટે વર્લ્ડ ટેસ્ટ ચેમ્પિયનશિપનું શું થશે એના પર પણ તેઓ વિચારી રહ્યા છે. તેઓ બાકીની મેચને ફરી રીશેડયુલ કરવા વિશે વિચારી રહ્યા છે અને એ માટે બહુ જલદી રિવ્યુ કરશે.

(3:11 pm IST)
  • એક નવો ચીની ખતરો : ચીનના વૈજ્ઞાનિકોએ ફ્લૂના જેવો જ એક નવો વાયરસ શોધ્યો છે જે કોરોના વાયરસની જેમ મહામારીનું રૂપ ધારણ કરી શકે છે. આ વાયરસ G4 EA H1N1ના નામથી ઓળખાય છે. આ ફ્લૂનો વાયરસ ભૂંડમાંથી મળ્યો છે. વૈજ્ઞાનિકોનું માનવું છે કે તે માણસોને પણ સંક્રમિત કરી શકે છે. શોધકર્તાઓને ડર છે કે આ નવો વાયરસ અને વધારે મ્યૂટેટ થઈને સરળતાથી એક વ્યક્તિથી અન્ય વ્યક્તિમાં ફેલાઈ શકે છે. access_time 9:03 am IST

  • રાજકોટની કુલ ૧૪૯ સૂચિત સોસાયટીમાંથી ૫૩૩૭ દાવા મંજુરઃ હજુ ૭૩૯ના મંજુરીના હુકમો બાકી : રાજકોટના પૂર્વ-પશ્ચિમ-દક્ષિણ અને તાલુકા મામલતદાર ક્ષેત્રમાં આવેલી કુલ ૧૪૯ સૂચિત સોસાયટીના બાંધકામો અંગે ૬૦૭૬ દાવા અરજી આવી હતીઃ જેમાંથી ૫૯૨૮ બાંધકામો રેગ્યુલાઈઝ કરવા અંગે સુનાવણી હાથ ધરાઈઃ તેમાં ૫૩૩૭ દાવા કલેકટર તંત્રે મંજુર કરી દીધાઃ હજુ ૭૩૯ દાવા અંગેના મંજુરી હુકમો બાકીઃ સૌથી વધુ રાજકોટ પૂર્વ ક્ષેત્રના ૩૬૧ હુકમો બાકીઃ દક્ષિણમાં ૨૫૩ અને તાલુકામાં ૧૧૬ દાવા અંગે હવે નિર્ણયઃ કલેકટરે તાજેતરમાં બોલાવેલ મીટીંગમાં આખરી સમીક્ષા કરાઈઃ ૧૫ દિ'માં પુરૂ કરવા આદેશો access_time 3:04 pm IST

  • આઈસીસીની એલીટ પેનલમાં સમાવેશ થનાર ભારતના યંગેસ્ટ અમ્પાયર નીતિન મેનન : ૩૬ વર્ષના નીતિન મેનનને ત્રણ ટેસ્ટ, ૨૪ વન-ડે અને ૧૬ ટી૨૦નો અનુભવ છે access_time 3:04 pm IST