Gujarati News

નવી દિલ્હી: પાકિસ્તાન ક્રિકેટ બોર્ડ (PCB) ના CEO વસીમ ખાને પોતાના પદ પરથી રાજીનામું આપી દીધું છે. વસીમ ખાને પોતાનો કરાર સમાપ્ત થવાના ચાર મહિના પહેલા જ રાજીનામું આપી દીધું છે. 2019 માં, વસીમ ખાને પીસીબીના સીઈઓ તરીકે પદ સંભાળ્યું અને ત્રણ વર્ષના કરાર પર હસ્તાક્ષર કર્યા. પીસીબીએ પુષ્ટિ કરી છે કે વસીમ ખાને રાજીનામું આપ્યું છે. પીસીબીના સત્તાવાર નિવેદન મુજબ, "પીસીબી પુષ્ટિ કરે છે કે વસીમ ખાને સીઈઓ પદેથી રાજીનામું આપ્યું છે." તાજેતરમાં જ પાકિસ્તાનના ભૂતપૂર્વ કેપ્ટન રમીઝ રાજાને PCB ચીફ તરીકે પસંદ કરવામાં આવ્યા છે. રમીઝ રાજાએ પદ સંભાળ્યું ત્યારથી પીસીબીમાં અનેક રાજીનામા આવ્યા છે. આ મહિનાની શરૂઆતમાં, પાકિસ્તાનના મુખ્ય કોચ મિસ્બાહ-ઉલ-હક અને બોલિંગ કોચ વકાર યુનુસે તેમના પદ પરથી રાજીનામું આપ્યું હતું.